អាជីព

បែងចែកខុសគ្នាដាច់ កុំយល់ច្រឡំឲ្យសោះរវាង អាជីវកម្ម ជំនាញវិជ្ជាជីវៈ និងការងារ

បានផុស

៤ years មុន

នៅ

ថ្ងៃព្រហស្បតិ៍ ១៨ មីនា ២០២១

ដោយ

នៅក្នុងសកម្មភាពសេដ្ឋកិច្ចគេបានចាត់ចំណាត់ថ្នាក់មុខរបរជា ៣ ប្រភេទធំ ៗ គឺអាជីវកម្ម ជំនាញវិជ្ជាជីវៈ និងការងារ។ ទាំង ៣ យ៉ាងមើលទៅហាក់ដូចជាស្រដៀងគ្នានៅក្នុងពិភពជំនួញ ប៉ុន្តែពួកវាមានលក្ខណៈខុសគ្នាដាច់។

តោះ មកស្វែងយល់ទាំងអស់គ្នា!

អាជីវកម្ម

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជីវកម្មសំដៅទៅលើសកម្មភាពរកស៊ីដែលមានទំនាក់ទំនងជាមួយនឹងផលិតកម្ម ឬការទិញនិងការលក់ទំនិញ ឬការផ្គត់ផ្គង់សេវាកម្មជាមួយនឹងគោលបំណងចម្បងគឺរកប្រាក់ចំណេញ។ វាចាប់ផ្ដើមចេញពីការសម្រេចចិត្តរបស់សហគ្រិនណាម្នាក់។ អាជីវកម្មមិនត្រូវការការសញ្ញាប័ត្រផ្នែកជំនួញអ្វីទេ ហើយទំហំរបស់វាអាស្រ័យលើដើមទុននៃម្ចាស់ជំនួញ។ អាជីវកម្មជាទូទៅមានហានិភ័យធំ និងមិនប្រាកដប្រជាឡើយ។

ជំនាញវិជ្ជាជីវៈ

ជំនាញវិជ្ជាជីវៈជាសកម្មភាពការងារដែលត្រូវការចំណេះដឹង និងជំនាញពិសេសរបស់បុគ្គលម្នាក់ៗនៅក្នុងមុខរបររបស់ខ្លួន។ មនុស្សមានវិជ្ជាជីវៈត្រូវបានគេចាត់ទុកថា ជាអ្នកជំនាញ។ អ្នកជំនាញជាទូទៅត្រូវអនុវត្តតាមគោលការណ៍ណែនាំ ឬក្រមសីលធម៌ដែលដាក់ដោយស្ថាប័នការងារ។ ឧទាហរណ៍ មេធាវីត្រូវបានគេចាត់ចូលជាអ្នកជំនាញវិជ្ជាជីវៈ។ ជំនាញវិជ្ជាជីវៈចាប់ផ្ដើមបានលុះណាតែបញ្ចប់វគ្គសិក្សាជាក់លាក់ ដោយទាមទារឲ្យមានការបណ្ដុះបណ្ដាល និងមានសញ្ញាប័ត្របញ្ជាក់លើជំនាញសិក្សានោះ។ ចំពោះការវិនិយោគអ្វីមួយគឺមានដែនកំណត់នៃដើមទុន។ វាមានហានិភ័យតិច រីឯគោលបំណងធំគឺបម្រើសេវាកម្មឯកទេស៕

ការងារ

ការងារ សំដៅទៅលើនិយោជិកដែលបំពេញភារកិច្ចដើម្បីដោះដូរនឹងប្រាក់ខែ។ និយោជិកគឺជាមនុស្សដែលត្រូវបានគេជួល។ ដូច្នេះអ្នកដែលធ្វើការនៅតាមរោងចក្រ ការិយាល័យ ធនាគារ ក្រុមហ៊ុនធានារ៉ាប់រង ឬនាយកដ្ឋានរដ្ឋាភិបាលនៅតាមមុខតំណែងផ្សេងៗសុទ្ធតែជានិយោជិក។ ពួកគេធ្វើការតាមការកំណត់របស់និយោជកឬថ្នាក់ដឹកនាំ។ ការងារចាប់ផ្តើមដោយការព្រមព្រៀងគ្នារវាងបុគ្គលនិងស្ថាប័នដែលចុះកិច្ចសន្យាត្រឹមត្រូវ។ ដោយឡែកតម្រូវការឯកសារពាក់ព័ន្ធគឺអាស្រ័យលើមុខតំណែង វាពុំចាបាច់មានដើមទុន និងគ្មានហានិភ័យឡើយ៕

ប្រែសម្រួល៖ សន្យា

ប្រភព៖ toppr

ចុចអាន៖តើអាជីវកម្មមួយគួរបន្ត ឬឈប់ សម្រេចចិត្តដោយមើលលើចំណុចណាខ្លះ?

ចុចអាន៖យុទ្ធសាស្ត្របង្កើតយីហោកាហ្វេឲ្យអតិថិជនជាប់ចិត្ត និងស្គាល់ច្រើន