អាជីព

ក្រុមហ៊ុនដែលភាន់ច្រឡំគ្នារវាង ទីផ្សារនិងផ្នែកលក់តែងតែបរាជ័យ! ហេតុអ្វី?

បានផុស

៤ years មុន

នៅ

ថ្ងៃចន្ទ ២២ មីនា ២០២១

ដោយ

ការលក់និងទីផ្សារមានទំនាក់ទំនងគ្នាយ៉ាងជិតស្និទ្ធហើយមានគោលបំណងធំរួមគឺដើម្បីបង្កើនប្រាក់ចំណូល។

ប៉ុន្តែដោយសារបំណងនេះ ក្រុមហ៊ុនតូចធំជាច្រើនបានធ្វើខុស ដោយដាក់ផ្នែកទំាងពីរនៅជាមួយគ្នា ហើយផ្ដោតលើការលក់ជាជាងការធ្វើទីផ្សារដែលជាហេតុបរាជ័យ។

ផ្នែកទាំងពីរគួរតែនៅឯករាជ្យ។ និយាយឲ្យស្រួលស្តាប់ ផ្នែកទីផ្សារជាផ្នែកបង្កើតម៉ាសសញ្ញា ចេញធ្វើការឃោសនា (ផ្នែកនេះចំណាយលុយ) ពេលបានជោគជ័យមានគេស្គាល់ផលិតផលឬសេវាកម្មខ្លួនហើយ ទើបផ្នែកលក់ចេញរកលុយត្រឡប់មកវិញម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អញ្ចឹងតើការលក់និងទីផ្សារខុសគ្នាយ៉ាងដូចម្តេច? និយាយដោយសាមញ្ញបំផុតការលក់អាចត្រូវបានគេហៅថាដំណើរការដែលផ្តោតឬផ្តោតលើបុគ្គលឬក្រុមតូច ទីផ្សារផ្តោតលើក្រុមធំឬមនុស្សទូទៅ។

ការងារទីផ្សារជារួមគឺលំបាកលំបិនជាង និងទៅមុខមុន។ ផ្នែកនេះត្រូវពូកែជំនាញស្រាវជ្រាវ (កំណត់តម្រូវការរបស់អតិថិជន) ការអភិវឌ្ឍន៍ផលិតផល (ឲ្យយោបល់មកផ្នែកផលិត មិនមែនផ្នែកផលិតបញ្ជាផ្នែកទីផ្សារទៅឃោសនាផលិតផលខ្វះភាពច្នៃប្រឌិតរបស់ខ្លួននោះទេ) និងផ្សព្វផ្សាយផលិតផល (តាមរយៈការផ្សាយពាណិជ្ជកម្ម) និងបង្កើតការយល់ដឹងអំពីផលិតផលក្នុងចំណោមអ្នកប្រើប្រាស់។

មធ្យោបាយទីផ្សារបែបនេះហើយដែលក្រុមហ៊ុនខ្លំាងតែងមានផ្នែកឬនាយកដ្ឋានទីផ្សារដែលធំ សឹងអាចហៅថាផ្នែកអភិវឌ្ឍន៍ពាណិជ្ជកម្មដ៏មានអំណាចមួយ Business Development ។

នៅពេលអ្នកមានទីផ្សារធំនិងខ្លំាង អតិថិជន មកដល់មុខផ្ទះពេលនោះហើយដែលផ្នែកលក់ត្រូវទទួលពួកគេដោយចំណេះដឹងត្រឹមត្រូវ។

អ្នកណាសមនឹងគ្រប់គ្រងផ្នែកទីផ្សារ?

ជាទូទៅ នាយកផ្នែកទីផ្សារពូកែSoft skillជំនាញញទន់ និងផែនការពាណិជ្ជកម្ម ការវិភាគទិន្នន័យប្រជាសាស្ត្រ ការច្នៃប្រឌិតផលិតផលឬសេវាកម្ម ព្រមទំាងចំណេះទំនាក់ទំនងសារធាណៈដ៏រឹងមាំផង។ ផ្នែកនេះមិនអាចចេះត្រឹមផ្នែកណាមួយក្នុងចំណោមនេះទេ។

នៅពេលដែលអ្នកដាក់ចេញផែនការវិនិយោគមួយគេសម្លឹងមើលតែសមត្ថភាពនៃផ្នែកទីផ្សារ ប្រសិនបើផ្នែកនេះចន្លោះ ឬគ្រប់គ្រងដោយបុគ្គលមិនមានសមត្ថភាព នឹងដួលរលំ៕

ប្រែសម្រួល៖ចម្រើនតារា

ចុចអាន៖ការប្ដេជ្ញាចិត្តធំ៥ យ៉ាងដែលអាចដឹកនាំយើងដល់កន្លែងដែលចង់ទៅ

ចុចអាន៖កំហុសទាំង ៧ នៃសិល្បៈគ្រប់គ្រងមនុស្សដែលនាំឲ្យភាពជាអ្នកដឹកនាំចុះខ្សោយ

Related Topics:អាជីព