អាជីព

ស្គាល់គេច្រើនចម្រើនអាជីព! បង្កើតបណ្ដាញរឹងមាំនិងមានប្រសិទ្ធភាព!

បានផុស

៤ years មុន

នៅ

ថ្ងៃអង្គារ ៣០ មីនា ២០២១

ដោយ

សាង ស្រីល័ក្ខ

ការភ្ជាប់បណ្ដាញគឺជារឿងចាំបាច់ក្នុងការកសាងអាជីវកម្ម ប៉ុន្តែបើយើងមិនមែនជាមនុស្សមានឥទ្ធិពលផង ធ្វើយ៉ាងណា?

ទោះបីយើងមានជំនាញនិងការអប់រំ ប៉ុន្តែបើគ្មានការតភ្ជាប់ទេ វានឹងមានការលំបាកខ្លាំង ក្នុងការរកការងារធ្វើ ឬសូម្បីតែកសាងអាជីវកម្ម។

នេះគឺជាគន្លឹះ ៦ យ៉ាង ដែលនឹងជួយយើង ទោះបីយើងមិនមែនជាអ្នកជំនាញពីធម្មជាតិក៏ដោយ។

១. ផ្ដោតលើមនុស្សត្រឹមត្រូវ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាថ៌កំបាំងក្នុងការភ្ជាប់បណ្ដាញ គឺមិនមែនឲ្យយើងទៅចូលរួមព្រឹត្តិការណ៍បណ្ដាញ ហើយចែកប័ណ្ណអាជីវកម្មឲ្យគេស្គាល់ ឬទៅជួបមនុស្សច្រើនតាមដែលអាចធ្វើទៅបានឡើយ។ ផ្ទុយទៅវិញយើងត្រូវផ្ដោតអារម្មណ៍ទៅលើមនុស្សដែលយើងបានស្គាល់ទៅវិញទេ។

កាលដែលយើងស្គាល់មនុស្សទាំងនោះ វាជាប្រយោជន៍មួយជួយធ្វើឱ្យយើងដឹង និងយល់ពីភាពខុសគ្នានៅក្នុងអាជីពរបស់យើង។

២. បង្កើតការឈ្នះស្មើគ្នា

កុំលេងសើច វាពិតជាមានសារៈសំខាន់ខ្លាំងណាស់ ដែលយើងនិងភាគីម្ខាងទៀត ទទួលបានភាពស្មើគ្នានៅពេលភ្ជាប់បណ្ដាញ។ ប្រសិនបើយើងទទួលបានអត្ថប្រយោជន៍ច្រើនជាងមនុស្សម្នាក់ទៀត នោះភាគីម្ខាងទៀតនឹងមានអារម្មណ៍ចាញ់បោកយើង ហើយគេក៏អស់ទំនុកចិត្តដែរ។

នៅពេលរឿងនោះកើតឡើង យើងមិនអាចវិលត្រឡប់ មកកសាងទំនាក់ទំនងយូរអង្វែងបានទេ។

៣. ផ្តល់មុនពេលទទួល

នៅក្នុងស្ថានភាពនៃបណ្ដាញ មនុស្សផ្សេងទៀតនឹងរំពឹងថា យើងនឹងស្នើសុំឲ្យពួកគេជួយ ឬគេស្នើឲ្យយើងជួយវិញ។ ប្រសិនបើយើងបើកទទួលវា ហើយគ្រាន់តែផ្ដល់ការគាំទ្រខ្លះទៅដៃគូបណ្ដាញរបស់យើង នោះពួកគេនឹងដឹងគុណ ហើយប្រគល់មកវិញនូវការពេញចិត្ត។

៤. ក្លាយជាអ្នកភ្ជាប់

យើងមិនចាំបាច់ទទួលបានអ្វីមួយនៅក្នុងទំនាក់ទំនងនៃបណ្ដាញទេ។ គ្រាន់តែណែនាំមនុស្សដែលអាចទទួលបានផលប្រយោជន៍ពីគ្នាទៅវិញទៅមក វាក៏មានប្រសិទ្ធភាព។

គ្រាន់តែយើងបង្កើតទំនាក់ទំនងកាន់តែរឹងមាំជាមួយមនុស្សជាច្រើន វាក៏ប្រសើរណាស់ទៅហើយ។

៥. ប្រើបណ្ដាញសង្គម

LinkedIn Facebook និង Twitter គឺជាឧបករណ៍ដែល អាចប្រើដើម្បីតភ្ជាប់តាមរបៀបរៀងខ្លួនដល់មនុស្សផ្សេងគ្នានៅក្នុងឧស្សាហកម្មរបស់យើង។ ឧទាហរណ៍នៅលើ LinkedIn យើងអាចណែនាំទំនាក់ទំនងថ្មីតាមរយៈការភ្ជាប់បច្ចុប្បន្នរបស់យើង។

យើងក៏អាចប្រើ LinkedIn ជាមូលដ្ឋានទិន្នន័យអាជីព ដើម្បីស្វែងរកមនុស្សដែលធ្វើការក្នុងវិជ្ជាជីវៈរបស់យើង នៅក្រុមហ៊ុនផ្សេងៗ ដែលយើងចាប់អារម្មណ៍។

៦. ចាប់ផ្តើមបង្កើតក្រុមបណ្ដាញផ្ទាល់ខ្លួន

វិធីល្អបំផុតមួយ ដើម្បីជួបមនុស្សដែលមានគំនិតដូចគ្នា គឺបង្កើតក្រុមបណ្ដាញផ្ទាល់ខ្លួនរបស់យើង។ យើងអាចប្រើបណ្ដេញផ្សព្វផ្សាយ ដើម្បីបង្កើតព្រឹត្តិការណ៍ជាបន្តបន្ទាប់ ក្រោមប្រធានបទជាក់លាក់ ដូចជាទីផ្សារហិរញ្ញវត្ថុ ឬគណនេយ្យ។

តាមរយៈការការបង្កើតក្រុមឬបណ្ដេញដោយយើងគឺជាអ្នកដឹកនាំក្រុម នោះយើងនឹងកាន់តែមានទំនាក់ទំនង ហើយមនុស្សនឹងស្វែងរក ចង់ជួបយើងព្រោះយើងគឺជាអ្នកបង្កើតគំនិតទាំងនោះមក៕

ប្រែសម្រួល៖ សាង ស្រីល័ក្ខ

ចុចអាន៖ ៩យ៉ាងត្រូវចៀសវាងដើម្បីបង្កើតមិត្តនៅកន្លែងធ្វើការ

ចុចអាន៖ក្រុមហ៊ុនដែលភាន់ច្រឡំគ្នារវាង ទីផ្សារនិងផ្នែកលក់តែងតែបរាជ័យ! ហេតុអ្វី?