អាជីព

ខ្វះ ៣ យ៉ាងនេះនឹងធ្វើឲ្យផលិតភាពការងារធ្លាក់ចុះ

បានផុស

៤ years មុន

នៅ

ថ្ងៃសៅរ៍ ៣ មេសា ២០២១

ដោយ

ក្រុមហ៊ុនណាក៏ដូចក្រុមហ៊ុនណា ស្ថាប័នណាក៏ដូចស្ថាប័នណា រមែងចង់បានបុគ្គលិកបម្រើការងារមានប្រសិទ្ធិភាព និងមានផលិតភាពការងារខ្ពស់។

ប៉ុន្តែផ្ទុយពីតម្រូវការទាំងនោះ បុគ្គលិកខ្លះមានទម្លាប់មិនល្អមួយចំនួនដែលធ្វើឲ្យគុណភាពការងាររបស់ពួកគេថយចុះឬរាំងស្ទះ។

១. ខ្វះគំនិតវិជ្ជមាន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុគ្គលិកដែលប្រកាន់យកគំនិតអវិជ្ជមាន គឺជាបុគ្គលិកដែលមានទស្សនៈអន់ខ្សោយ។ បុគ្គលិកប្រភេទនេះរមែងហ៊ុមព័ទ្ធទៅដោយបុគ្គលិកមិនសូវអភិវឌ្ឍខ្លួន ហើយខ្លួនឯងផ្ទាល់បានផុសនូវផ្នត់គំនិតអវិជ្ជមានតាមគេតាមឯងដែរ បើទោះជាដឹងថា ការខិតខំប្រឹងប្រែង និងការអភិវឌ្ឍន៍ខ្លួនមានសារៈសំខាន់យ៉ាងណាក៏ដោយ។ បុគ្គលិកប្រភេទនេះនឹងរស់នៅក្នុងជីវិតអន់ថយមិនអាចទៅមុខរួចទេ។

២. ខ្វះគំនិតច្នៃប្រឌិត

ខ្វះគំនិតច្នៃប្រឌិតក៏ធ្វើឱ្យគុណភាពការងារថយចុះបានដែរ។ គំនិតច្នៃប្រឌិត មិនមែនចាំទាល់តែជាគំនិតថ្មីទាំងស្រុងនោះទេ ប៉ុន្តែវាអាចជាការបញ្ចូលគ្នារវាងផ្នែកណាមួយនៃគំនិតដែលមានរួចជាស្រេច ផ្សំជាមួយគំនិតបង្កើតថ្មី។ យើងអាចនិយាយបានថា វាជាការផ្គុំគំនិតដែលមាន ៣ ឬ ៤ ឱ្យទៅជាគំនិតតែមួយ នោះហើយគឺជាអ្វីដែលគេហៅថាការច្នៃប្រឌិត។ ប៉ុន្តែបើបុគ្គលិកមិនចេះបង្កើតអ្វីថ្មីប្លែកទេ វាក៏មិនមានអ្វីសម្រាប់ការរីកចម្រើនដែរ។

២. ខ្វះចំណេះដឹងផ្នែកបច្ចេកវិទ្យា

ចំណេះដឹងផ្នែកបច្ចេកទេស ឬបច្ចេកវិទ្យាក្នុងសម័យឌីជីថលពិតជាមិនអាចអត់បានឡើយ។ បើទោះជាបុគ្គលិកមានឆន្ទៈបំពេញការងារក៏ពិតមែន ប៉ុន្តែបើមិនស្វែងយល់ និងអនុវត្តន៍ជាប្រចាំទាក់ទងនឹងការងារបច្ចេកទេសថ្មីៗទេ គុណភាពការងារអ្នកនឹងធ្លាក់ចុះតាមហ្នឹងដែរ។ ដោយសារហេតុផលថា សម័យនេះជាសម័យដែលមនុស្សទូទាំងពិភពលោកប្រើបច្ចេកវិទ្យា បើយើងមិនចេះប្រើវា យើងដើរមិនទាន់គេទេ៕

ប្រែសម្រួល៖ សន្យា

ប្រភព៖ Entrepreneur

ចុចអាន៖ហេតុអ្វី៥ឆ្នាំកន្លងទៅ នៅតែឡើងប្រាក់ចំណូលមិនបាន៥ដង?

ចុចអាន៖រឿងសំខាន់ ៦ យ៉ាងដែលគួរដឹងមុនពេលសម្ភាសន៍ការងារ