គប្បីធ្វើរឿងប៉ុន្មាននេះ នាថ្ងៃចុងក្រោយនៅកន្លែងការងារចាស់ – Kampuchea Thmey Daily
Connect with us

អាជីព

គប្បីធ្វើរឿងប៉ុន្មាននេះ នាថ្ងៃចុងក្រោយនៅកន្លែងការងារចាស់

Published

on

ទោះបីអ្នកមានហេតុផលអ្វីក្នុងការចាកចេញពីកន្លែងការងារបច្ចុប្បន្ន មិនថាមេបញ្ឈប់ចូលនិវត្តន៍ ចេញរកស៊ី រៀបការ ឬផ្លាស់ការងារថ្មីក៏ដោយ ប៉ុន្តែថ្ងៃចុងក្រោយនៃការងារជាថ្ងៃដ៏សំខាន់មួយដែលអ្នកត្រូវធ្វើវាឲ្យបានល្អបំផុតតាមដែលអាចធ្វើបាន។

ខាងក្រោមជាសកម្មភាពមួយចំនួនដែលគប្បីធ្វើមុនថ្ងៃចាកចេញពីការងាររបស់អ្នក៖

បញ្ចប់កិច្ចការដែលនៅសេសសល់

មិនត្រូវទុកការងាររបស់ខ្លួនបន្សល់ឲ្យនរណាមកឈឺក្បាលនៅពេលអ្នកទៅបាត់ទេ។ ជាបុគ្គលិកមានទំនួលខុសត្រូវ អ្នកគួរបញ្ចប់កិច្ចការគ្រប់យ៉ាង បើទោះវាត្រូវប្រើរយៈពេលយូរបន្តិចក៏ដោយ។

លុបឯកសារផ្ទាល់ខ្លួនចេញពីកុំព្យូទ័រ

អ្នកនឹងចាកចេញទៅហើយ អ្នកពុំមានអ្វីពាក់ព័ន្ធអ្វីនឹងស្ថាប័នតទៀតទេ។ ដូច្នេះព័ត៌មានផ្ទាល់ខ្លួនរបស់អ្នកទាំងប៉ុន្មាន កុំទុកបន្សល់នៅក្នុងកុំព្យូទ័រក្រុមហ៊ុនធ្វើអីទៀត ចៀសវាងបញ្ហាចៃដន្យនាថ្ងៃក្រោយ។

សម្អាតតុការងាររបស់ខ្លួន

មុនពេលអ្នកថ្មីមកអង្គុយតុរបស់អ្នក គេច្បាស់ជាសម្អាតវាមិនខានទេ។ ទោះជាយ៉ាងនេះក្ដី ជាមនុស្សទម្លាប់ល្អគួរសម្អាតតុរបស់ខ្លួន រួមទាំងប្រមូលឯកសារនិងសម្ភារផ្ទាល់ខ្លួនផ្សេងទៀតទៅជាមួយផង។

និយាយជាមួយមេជាលើកចុងក្រោយ

ការជជែកជាមួយថ្នាក់ដឹកនាំ មុនពេលចេញទៅ ជាសុជីធម៌មួយចាំបាច់ណាស់ ដែលមិនគួររំលងទេ។ អ្នកគួរតែបាននិយាយពាក្យលា និងអរគុណចំពោះមេ សម្រាប់ការងារកន្លងមក ទោះជាការងារនោះល្អឬមិនសូវល្អក៏ដោយ ក៏ឥរិយាបថនេះបង្ហាញពីភាពចាស់ទុំនៃបុគ្គលិកដឹងខុសត្រូវក្នុងខ្លួនរបស់អ្នក។

ញុំាបាយថ្ងៃត្រង់ឬពេលល្ងាចជាមួយមិត្តរួមការងារ

កុំភ្លេចប្រកបអាហារជាមួយមិត្តរួមការងារជាចុងក្រោយដែលអាចជា អាហារថ្ងៃក្រោយ អាហាររពេលល្ងាច ​ឬអាហារសម្រន់រួមគ្នានៅកន្លែងធ្វើការក៏បាន។ ការញ៉ាំអាហារជុំគ្នា ជាការបន្សល់ទុកការចងចាំល្អមុនពេលឃ្លាតគ្នា ដែលបុគ្គលិកចាកចេញគួរមាន។

ផ្ញើសារ “លា និង អរគុណ” ប្រាប់គ្រប់គ្នា

ជួនកាលអ្នកមិនអាចជួបទទួលទានអាហារចុងក្រោយជាមួយគ្រប់គ្នាបានទេ ប៉ុន្តែអ្នកនៅតែមានឱកាសនិយាយពាក្យលា និងអរគុណទៅកាន់គ្រប់គ្នាតាមរយៈការផ្ញើសារ។ សូមផ្ញើទៅគ្រប់បុគ្គលិក បើទោះបីមានពួកគេមួយចំនួន អ្នកមិនសូវចូលចិត្តក៏ដោយ។

រក្សាទំនាក់ទំនងជាមួយមិត្តរួមការងារ

ចេញពីធ្វើការនៅកន្លែងចាស់ មិនមែនមានន័យថា ទំនាក់ទំនងគ្រប់យ៉ាងត្រូវចប់ដែរ។ អ្នកគួររក្សារទំនាក់ទំនងជាមួយមិត្តរួមការងារ ព្រោះការរក្សាបណ្ដាញច្រើនពិតជាមានសារសំខាន់ចំពោះការងារ ក៏ដូចជាការរស់នៅផងដែរ៕

ប្រែសម្រួល៖ សន្យា

ប្រភព៖ Lifehack

ចុចអាន៖ របៀបជ្រើសរើស​បុគ្គលិកដែលនាំឱ្យ​ក្រុម​​ទាំងមូលរីកចម្រើនបាន

ចុច Like Facebook កម្ពុជាថ្មី

ជីវិតកម្សាន្ដ15 mins ago

នាយ កុយ រំភើប​ខ្លាំង ​ខណៈ​សម្តេច​តេ​ជោ ហ៊ុន សែន ផ្តល់​អាទិភាព​ចាក់​វ៉ាក់សាំង​មុនគេ

ព័ត៌មានជាតិ2 hours ago

សម្តេច​ក្រឡាហោម ស ខេង បញ្ជា​ឲ្យ​អាជ្ញាធរ​គ្រប់​ថ្នាក់ លុបបំបាត់​យានយន្ត ដែល​បង្ក​សម្លេង​រំខាន​ដល់​ប្រជាពលរដ្ឋ

ព័ត៌មានជាតិ2 hours ago

ជនសង្ស័យ​ម្នាក់​ល្បួង​រំលោភ​ក្មេងអតីតិជន​ ត្រូវ​សមត្ថកិច្ច​ឃាត់​ខ្លួន​

ព័ត៌មានជាតិ3 hours ago

បុរស​ម្នាក់​បើក​ម៉ូតូ​កោង​រេ​ចង្កូត​ទៅ​ប៉ះ​រថយន្តធំ បណ្ដាលឲ្យ​ដួល​បោក​ក្បាល​ស្លាប់​ម្នាក់​និង​របួស​ធ្ងន់​ម្នាក់​

ព័ត៌មានជាតិ3 hours ago

​សមត្ថកិច្ច​ឃាត់​ខ្លួន​ប្តី​ប្រពន្ធ​២នាក់ទៀត ពាក់ព័ន្ធ​នឹង​ការ​បាញ់​សម្លាប់​នាយរង​ការិយាល័យ

ព័ត៌មានពេញនិយម