សន្តិសុខសង្គម
រថយន្តមួយគ្រឿង ត្រូវជនសង្ស័យលួចយកមកប្លុងចោល ត្រូវសមត្ថកិច្ចឃើញ ថតបង្ហោះរហូតរកម្ចាស់ឃើញវិញ
រថយន្តព្រូសមួយគ្រឿង ត្រូវបាននគរបាលប៉ុស្តិ៍ស្រះចក ប្រទះឃើញហើយ ក៏បង្ហោះតាមបណ្ដាញសង្គមហ្វេសប៊ុករហូតរកម្ចាស់ឃើញ មកទទួលវិញផងដែរ ក្រោយពីជនសង្ស័យបានលួច ហើយយកមកប្លុងចោល។
មន្ត្រីនគរបាលប៉ុស្តិ៍ស្រះចក បានឲ្យដឹងនៅព្រឹកថ្ងៃទី ១៣ ខែវិច្ឆិកានេះថា រថយន្តម៉ាកព្រូសមួយគ្រឿង ពណ៌ប្រផេះពាក់ស្លាកលេខភ្នំពេញ 2AW 5242 ត្រូវបានប្រទះឃើញចតចោល កាលពីរសៀលថ្ងៃទី ១២ ខែវិច្ឆិកា ឆ្នាំ ២០២១ នៅចំណុចផ្លូវលំក្បែរអាគារ TK ស្ថិតក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ដោយរថយន្តនោះ មិនចាក់ឡុកទ្វារនោះទេ ហើយស្លាកលេខបានដោះទុកនៅក្នុងរថយន្ត។
ឃើញដូច្នេះ មន្ត្រីនគរបាលប៉ុស្តិ៍ស្រះចក ក៏បានថតបង្ហោះតាមបណ្ដាញសង្គមហ្វេសប៊ុក ដោយប្រកាសរកម្ចាស់រថយន្ត រហូតរកឃើញម្ចាស់ មកទទួលយករថយន្តទៅវិញ នៅល្ងាចថ្ងៃដដែល នោះផងដែរ។ ម្ចាស់រថយន្ត ដែលបាត់នោះ ជាជនជាតិចិន មានឈ្មោះ Zheng Jing hai ភេទប្រុស អាយុ ៣៤ឆ្នាំ មុខរបរពាណិជ្ជករ មានប្រពន្ធជាជនជាតិខ្មែរ ស្នាក់នៅសង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះ ដែលជាម្ចាស់ឡានព្រូសមួយគ្រឿងនោះ បានបំភ្លឺប្រាប់សមត្ថកិច្ចថា កាលពីថ្ងៃទី ១០ ខែវិច្ឆិកា ឆ្នាំ ២០២១ រូបខ្លួនបានយករថយន្តនោះ ទៅជួសជុលនៅម្ដុំការ៉ាស់ខាងមុខព្រលានយន្តហោះ លុះដល់ថ្ងៃទី ១១ ខែឆ្នាំដដែល ខ្លួនក៏បានយករថយន្តទៅផ្ទះវិញ ក្រោយពីជួសជុលរួច ហើយក៏ជិះទៅធ្វើការដូចសព្វដង។
លុះដល់ពេលល្ងាចថ្ងៃដដែល ក៏ត្រឡប់មកផ្ទះវិញ ហើយបានចាក់សោទុកនៅមុខផ្ទះរបស់ខ្លួនដូចរាល់ដង។ ស្រាប់តែព្រឹកថ្ងៃទី ១២ វិច្ឆិកា ឆ្នាំ២០២១ មិនដឹងជនសង្ស័យប៉ុន្មាននាក់ មកលួចនោះទេ។ ក្រោយពីបាត់ហើយ រូបខ្លួន ក៏បានដាក់ពាក្យបណ្ដឹងនៅប៉ុស្តិ៍ចោមចៅ ៣ ផងដែរ លុះពេលមកដល់រសៀល ស្រាប់តែមានគេប្រាប់ថា មានគេបង្ហោះថា ប្រទះឃើញរថយន្ដរបស់ខ្លួន រួចក៏មកសួរនាំនៅប៉ុស្តិ៍ស្រះចក ក៏បានឃើញរថយន្តរបស់ខ្លួនវិញតែម្តង៕
អត្ថបទ៖ រស្មី





-
ព័ត៌មានអន្ដរជាតិ១៣ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២៣ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?