សន្តិសុខសង្គម

មន្ត្រី ក.ប.ប. មន្ទីរពាណិជ្ជកម្មខេត្ត រដ្ឋបាលក្រុងប៉ោយប៉ែតបានចុះដកហូតអាល់កុលក្លែងក្លាយនិងទំនិញខូចគុណភាពសរុប ៧៤,៤៤គីឡូ ក្រាម

បានផុស

៣ years មុន

នៅ

ថ្ងៃសៅរ៍ ១៣ វិច្ឆិកា ២០២១

ដោយ

បន្ទាយមានជ័យ ៖ ក្រោយពីមានពលករយកអាល់កុល លាយនិងភេសជ្ជៈផឹកបណ្តាលឲ្យស្លាប់ដល់៧នាក់នោះមន្ត្រីចម្រុះបានចុះ ត្រួតពិនិត្យនិងដកហូតអាល់កុលក្លែងក្លាយ រឺគេហៅ មេតាណុល មួយចំនួននៅភូមិកូបធំនិងភូមិកូនដំរីសង្កាត់និមិត្ត ខេត្តបន្ទាយមានជ័យ នៅព្រឹក ថ្ងៃ ទី ១៣ ខែវិច្ឆិកា ឆ្នាំ ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីសាខា ក.ប.ប. ខេត្ត បន្ទាយមានជ័យ លោកប៊ុកឡាយជី ប្រធានមន្ទីរពាណិជ្ជកម្មខេត្ត រដ្ឋបាលក្រុងប៉ោយប៉ែត កម្លាំងនគរបាលក្រុង និងកម្លាំងប៉ុស្តិ៍រដ្ឋបាលសង្កាត់និមិត្ត បានចុះ ត្រួតពិនិត្យនិងដកហូតអាល់កុលក្លែងក្លាយដែលគេហៅមេតាណុល និងទំនិញខូចគុណភាព ក្នុងនោះរួមមាន

១-អាល់កុលក្លែងក្លាយ ១៨៦ដប និង ១ពីដុង ស្មើ ១២៣លីត្រ ២-មីម៉ាម៉ា ៩៣កំប៉ុង ស្មើ ០,៥៦គក្រ

៣-នំសូកូឡា ១២កញ្ចប់ ស្មើ ០,១៣គក្រ ៤-ទឹកក្រូចចម្រុះ ៣៦ដប ស្មើ ៥៧,៦០គក្រ ៥-ទឹកដោះគោខាប់ ១០កំប៉ុង ស្មើ ៣,៨០គក្រ ៦-ទឹកម្ទេស តូច-ធំ ២៥ដប ស្មើ ១១,១៥គក្រ ៧-ស្ករគ្រាប់ចម្រុះ ១,២គក្រ សរុបចំនួន ៧៤,៤៤គីឡូ ក្រាម ។

លោកប៊ុក ឡាយជី បានប្រាប់អ្នកយកព័ត៌មានឲ្យដឹងថា ក្រោយពីធ្វើការដកហូតមុខទំនិញខាងលើរួចមកបានធ្វើការពន្យល់ណែនាំ ដល់អាជីវករទាំងអស់ឲ្យចេះមើលអាយុកាលផុតកំណត់ ការតាំងលក់ផលិតផលទំនិញគ្រប់ប្រភេទ និងខ្លឹមសារនៃប្រកាស របស់ ក្រសួង ពាណិជ្ជកម្ម លេខ ១៨៥ ស្តីពីបទដ្ឋាន ព័ត៌មាន សម្រាប់ អ្នកប្រើប្រាស់ ដើម្បី ឱ្យ អាជីវករ ទាំងនោះធ្វើការ កែប្រែ ស្រប តាមពេលវេលាមួយដែលអាចទទួលយកបានដោយអនុលោមតាម ច្បាប់ ស្តីពីកិច្ចការពារអ្នកប្រើប្រាស់។

ជាមួយ នេះ ដែរ យើង បាន ធ្វើ ការ ពិន័យ អន្តរ ការណ៍លើម្ចាស់ ទំនិញ ល្មើស មួយទីតាំង ឱ្យបង់ ប្រាក់ ពិន័យ អន្តរ ការណ៍ ដោយ សរសេរ ប័ណ្ណ បង់ ប្រាក់ ផាក ពិន័យ ចំនួន ១ ច្បាប់ នៅនឹងកន្លែង៕

ដោយ ៖ វ៉ាន់ ណាង