សន្តិសុខសង្គម
ក្មេងតូចៗឈ្លោះគ្នាបង្កហិង្សាបណ្ដាលឲ្យមានអ្នកស្លាប់ គ្រូពេទ្យប្រាប់ថា វិជ្ជមានកូវីដ
ក្មេងៗឈ្លោះគ្នាគប់ដុំថ្មចំក្បាលរងរបួសហើយបានស្លាប់ខណៈបញ្ជូនដល់មន្ទីរពេទ្យកុមារ។ ជាមួយគ្នានោះគ្រូពេទ្យបានបញ្ជាក់ថា ក្មេងរងគ្រោះមានជំងឺកូវីដ១៩ ផងដែរ។
ហេតុការណ៍នេះបានកើតឡើងនៅរសៀលថ្ងៃទី១២ ខែវិច្ឆិកា ឆ្នាំ២០២១ស្ថិតនៅក្នុងឡឥដ្ឋ ភូមិថ្មី ឃុំកៀនសង្កែ ស្រុកសូទ្រនិគម ខេត្តសៀមរាប។
សមត្ថកិច្ចបានឲ្យដឹងថា ក្មេងដែលយកដុំថ្មគប់ទៅលើក្មេងរងគ្រោះមានឈ្មោះ កយ ភា ភេទប្រុស អាយុ ១២ ឆ្នាំ រស់នៅជាមួយគ្រួសារក្នុងឡឥដ្ឋកើតហេតុខាងលើ នៅភូមិថ្មី ឃុំកៀនសង្កែ ស្រុកសូទ្រនិគម ខេត្ត សៀមរាប។ ក្មេងរងគ្រោះមានឈ្មោះ រិទ្ធ ទិត្យ ភេទប្រុសអាយុ១០ឆ្នាំ រស់នៅជាមួយគ្រួសារក្នុងឡឥដ្ឋកើតហេតុខាងលើដូចគ្នា។
សមត្ថកិច្ចបន្តថា ក្មេងប្រុសឈ្មោះ កយ ភា បានយកដុំថ្មទំហំប៉ុនកដៃគប់ទៅលើក្មេងរងគ្រោះ បណ្ដាលឲ្យរយៈប្រវែង០.៥សង់ទីម៉ែត្រ នៅខាងលើស្លឹកត្រចៀក ផ្នែកខាងឆ្វេងនៃក្បាល។ ករណីហិង្សានេះកើតឡើង បន្ទាប់ពីឈ្លោះប្រកែកគ្នាតិចតួច ដែលតាមការបំភ្លឺក្រុមគ្រួសារបញ្ជាក់ថា ជាទម្លាប់សឹងតែរាល់ថ្ងៃតាមបែបក្មេងៗ។ នៅពេលមានរបួសចេញឈាមភ្លាម ក្រុមគ្រួសារបានបញ្ជូនមកពេទ្យគន្ធបុប្ផា ក្រុងសៀមរាបសម្រាកព្យាបាលរហូតដល់ម៉ោង០៩និង២០នាទីយប់ ទើបជនរងគ្រោះស្លាប់ ដោយតាមការបញ្ជាក់របស់គ្រូពេទ្យគឺមានជំងឺកូវីដ.១៩ ហើយក្រុមគ្រូពេទ្យបានចាត់ចែងជាមួយគ្រួសារ បូជាសពនៅវត្តរាជបូព៌ សង្កាត់សាលាកំរើក នៅម៉ោង០៦:៣០ នាទី ព្រឹក នាថ្ងៃទី១៣ ខែវិច្ឆិកា ឆ្នាំ២០២១។
សមត្ថកិច្ចបន្ថែមថា បន្ទាប់ពីបូជាសពរួច ទើបក្រុមគ្រួសារបានរាយការណ៍មកសមត្ថកិច្ចនៅព្រឹកថ្ងៃទី១៣ ខែវិច្ឆិកា ឆ្នាំ២០២១។ បន្ទាប់ពីទទួលបានព័ត៌មានភ្លាម កម្លាំងសមត្ថកិច្ចជំនាញបានចុះដល់កន្លែងកើតហេតុហើយបាននាំយកក្រុមគ្រួសារទាំងសងខាង និងក្មេងប្រុសបង្កមកសួរនាំនៅអធិការដ្ឋាននគរបាលស្រុកសូទ្រនិគម។
សមត្ថកិច្ចបញ្ជាក់ថា នៅចំពោះមុខអាណាព្យាបាល និងតំណាងខាងមន្ទីរសង្គមកិច្ច អតីតយុទ្ធជន និងយុវនីតិសម្បទា ជនសង្ស័យបានឆ្លើយសារភាពថា ខ្លួនពិតជាបានគប់ដុំថ្មទៅលើជនរងគ្រោះប្រាកដមែន។ក្នុងបណ្ដឹងក្រុមគ្រួសារជនរងគ្រោះ មិនបានទាមទារអ្វីធ្ងន់ធ្ងរទេ គឺគ្រាន់តែសុំសំណងចំនួនមួយរយដុល្លារដើម្បីធ្វើបុណ្យសពប៉ុណ្ណោះ។ សមត្ថកិច្ចបានធ្វើកំណត់ហេតុប្រគល់ទទួលប្រាក់សំណងរដ្ឋប្បវេណីតាមការស្ម័គ្រចិត្តសងខាងនេះ។
ដោយយោងតាមនីតិភាពទទួលខុសត្រូវព្រហ្មទណ្ឌ សមត្ថកិច្ចបានធ្វើកិច្ចសន្យាអោយអាណាព្យាបាលធានាយកក្មេងប្រុសបង្កត្រឡប់ទៅផ្ទះវិញ ហើយមើលថែរក្សាគាត់ ដោយមានខាងសង្គមកិច្ចចូលរួមដឹងលឺ។
ពាក់ព័ន្ធនឹងសំណុំរឿងនេះ កម្លាំងនគរបាលជំនាញនៃស្រុកសូទ្រនិគមបានបញ្ជូនទៅការិយាល័យជំនាញដើម្បីបន្តនីតិវិធី៕
អត្ថបទ៖ កុសល
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៨ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ