សន្តិសុខសង្គម

ឆេះផ្ទះគ្រូទាយផ្អើលអ្នកជិតខាងនិងសមត្ថកិច្ចជួយអន្តរាគមន៍

បានផុស

៣ years មុន

នៅ

ថ្ងៃចន្ទ ១៥ វិច្ឆិកា ២០២១

ដោយ

ផ្ទះប្រជាពលរដ្ឋមួយខ្នង ដែលម្ចាស់ផ្ទះជាគ្រូទាយជោជតារាសីម្នាក់ត្រូវបានអគ្គិភ័យឆាបឆេះយ៉ាងសន្ធោសន្ធៅបង្កការភ្ញាក់ផ្អើលដល់បងប្អូនប្រជាពលរដ្ឋនិងសមត្ថកិច្ចហៅក្រុមរថយន្តពន្លត់អគ្គិភ័យចុះមកអន្តរាគមន៍ កាលពីវេលាម៉ោង៦និង៣០នាទីល្ងាច ថ្ងៃទី១៤ ខែវិច្ឆិកា ឆ្នាំ២០២១ នៅចំណុចផ្ទះលេខ៥៦៦ ផ្លូវ៦០K ភូមិតាងួនទី២ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។ ម្ចាស់ទីតាំងឈ្មោះ ទេព បូរី ភេទស្រី អាយុ ៤៥ឆ្នាំ មុខរបរគ្រូទាយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីបងប្អូនប្រជាពលរដ្ឋបានឱ្យដឹងថា មុនពេលកើតហេតុគេបានឃើញមានផ្សែងហុយចេញពីបង្អួចបន្ទប់ផ្នែកខាងក្រោយផ្ទះនៃជាប់ទី២ ភ្លាមនោះក៏មានការភ្ញាក់ផ្អើលទើបរាយការណ៍ទៅសមត្ថកិច្ចមូលដ្ឋានហៅរថយន្តពន្លត់អគ្គិភ័យមកអន្តរាគមន៍ភ្លាមៗ។

ផ្ទះខាងលើជាប្រភេទថ្មបេតុង ទំហំ៥ម៉ែត្រ x ២០ម៉ែត្រ ខូចខាតសម្ភារៈ កង្ហារ៣គ្រឿង , ពូកចំនួន២, ។

ជុំវិញករណីគ្រោះអគ្គិភ័យខាងលើសមត្ថកិច្ចប្រើប្រាស់រថយន្តពន្លត់អគ្គិភ័យការិយាល័យពន្លត់និងបង្ការគ្រោះអគ្គិភ័យរបស់ស្នងការនគរបាលរាជធានីភ្នំពេញចំនួន៣គ្រោះក៏រលត់ទៅវិញ ដោយមិនរាលដាល់ដល់ផ្ទះបងប្អូនប្រជាពលរដ្ឋដែលនៅក្បែរនោះទេ និងមិនបង្កឱ្យមនុស្សរងរបួសដែរ ខូចខាតសម្ភារៈមួយចំនួនតែប៉ុណ្ណោះ។

សមត្ថកិច្ចជំនាញបានបញ្ជាក់ថា គ្រោះអគ្គិភ័យខាងលើបណ្តាលឱ្យពីឆ្លងចរន្តអគ្គិសនី៕

អត្ថបទ៖ សុខា