សន្តិសុខសង្គម

ឃាត់ខ្លួនយុវជនម្នាក់បន្ទាប់ពីរងការចោទប្រកាន់ពីបទរំលោភ

បានផុស

៣ years មុន

នៅ

ថ្ងៃចន្ទ ២២ វិច្ឆិកា ២០២១

ដោយ

កម្លាំងនគរបាល នៃអធិការដ្ឋាននគរបាលស្រុកមណ្ឌលសីមា ខេត្តកោះកុង បានឃាត់ខ្លួនយុវជនម្នាក់ បន្ទាប់ពីទទួលបានពាក្យបណ្ដឹងពីឈ្មោះ ឈួន គឹមឆាន ភេទប្រុស អាយុ៦៥ឆ្នាំ មានទីលំនៅភូមិ១ សង្កាត់ដងទង់ ក្រុងខេមរភូមិន្ទ ករណីរំលោភសេពសន្ថវៈ ។

ការឃាត់ខ្លួននេះបានធ្វើឡើងកាលពីព្រឹកថ្ងៃទី២២ ខែវិចិ្ឆកា ឆ្នាំ២០២១ នៅវេលាម៉ោង៨និង៣០នាទីព្រឹក នៅចំណុច ផ្ទះជួល នៅភូមិចាំយាម ឃុំប៉ាក់ខ្លង ស្រុកមណ្ឌលសីមា ខេត្តកោះកុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនសង្ស័យដែលឃាត់ខ្លួនមានឈ្មោះ រ៉ូញ តុលា (ហៅទ្បា) ភេទប្រុស អាយុ១៧ឆ្នាំ មានទីលំនៅ ផ្ទះជួល នៅភូមិចាំយាម ឃុំប៉ាក់ខ្លង ស្រុកមណ្ឌលសីមា ខេត្តកោះកុង។

បន្ទាប់ពីឃាត់ខ្លួនយកមកសួរនាំនៅអធិការដ្ឋាននគរបាលស្រុក ជនសង្ស័យមានឆ្លើយសារភាពថា ខ្លួនបានរំលោភលើក្មេងស្រីរងគ្រោះចំនួន២លើក ដោយលើកទី១នៅចំណុចភូមិ១ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង និងលើកទី២ នៅចំណុចបន្ទប់ជួល ភូមិចាំយាម ឃុំប៉ាក់ខ្លង ស្រុកមណ្ឌលសីមា ខេត្ត កោះកុង ។

បច្ចុប្បន្នកម្លាំងជំនាញកំពុងកសាងសំណុំរឿងបញ្ជូនទៅការិយាល័យប្រឆាំងការជួញដូរមនុស្សនិងការពារអនិតិជនដើម្បីចាត់ការបន្ត៕