សន្តិសុខសង្គម

ខឹងសួរនាំរឿងបាត់មេមាន់ យុវជនម្នាក់ស្ទុះវាយជនរងគ្រោះសន្លប់ស្ដូក

បានផុស

៣ years មុន

នៅ

ថ្ងៃពុធ ១ ធ្នូ ២០២១

ដោយ

យុវជនម្នាក់ត្រូវបានកម្លាំងនគរបាល នៃអធិការដ្ឋាននគរបាលស្រុកឯកភ្នំ ធ្វើការឃាត់ខ្លួន ក្រោយបង្កហិង្សាបណ្ដាលឲ្យបុរសម្នាក់រងរបួសធ្ងន់ធ្ងរសន្លប់ស្ដូកស្ដឹង។

ករណីនេះបានកើតឡើងកាលពីថ្ងៃទី២៩ ខែវិច្ឆិកា ឆ្នាំ២០២១ វេលាម៉ោង១៦និង២៧នាទី នៅភូមិស្តី ឃុំព្រែកនរិន្ទ ស្រុកឯកភ្នំ ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ជនល្មើសមានឈ្មោះ ផាន ពិសាល ហៅ តុល ភេទប្រុស អាយុ២៤ឆ្នាំ រស់នៅភូមិស្តី ឃុំព្រែកនរិន្ទ ស្រុកឯកភ្នំ ខេត្តបាត់ដំបង។ ចំណែកជនរងគ្រោះឈ្មោះ ឆាន ឈឿត ភេទប្រុស អាយុ៥៧ឆ្នាំ រស់នៅចំណុចកើតហេតុ។

សមត្ថកិច្ចបានបញ្ជាក់ថា ករណីនេះកើតឡើងបន្ទាប់ពីជនរងគ្រោះបានបាត់មេមាន់ចំនួន១ក្បាល ហើយប្រពន្ធជនរងគ្រោះឈ្មោះ សុះ សាន អាយុ៤៤ឆ្នាំ បានទៅសួរនាំជនបង្ក អំពីបញ្ហាខ្លួនបាត់មាន់មេ។ ខណៈនោះជនសង្ស័យក៏កើតជាកំហឹងហើយជេរប្រមាថ និងវាយបណ្តាលឲ្យរងរបួសដួលសន្លប់តែម្តង។

ក្រោយកើតហេតុ កម្លាំងនគរបាលស្រុកឯកភ្នំ បានចុះឃាត់ខ្លួនជនដៃដល់យកមកសួរនាំនៅអធិការនគរបាលស្រុក និងកសាងសំណុំរឿងបញ្ជូនទៅការិយាល័យជំនាញនៃស្នងការដ្ឋាននគរបាលខេត្តបាត់ដំបង ដើម្បីចាត់ការបន្តតាមនីតិវិធី៕

Related Topics:ករណីហិង្សា