សន្តិសុខសង្គម

តំណាងអយ្យការដោះលែងលោក ប៊ុន ផាក ឲ្យនៅក្រៅឃុំ តែសំណុំរឿងនៅបន្ត

បានផុស

៣ years មុន

នៅ

ថ្ងៃសៅរ៍ ៤ ធ្នូ ២០២១

ដោយ

ភ្នំពេញ ៖ ប្រភពព័ត៌មានពីសាលាដំបូងនៅវេលាម៉ោង១៩ព្រលប់ថ្ងៃទី០៤ ខែធ្នូ ឆ្នាំ២០២១នេះ បានដោះលែងលោក ប៊ុន រស្មី ហៅ ប៊ុន ផាក ឲ្យត្រឡប់ទៅផ្ទះវិញហើយ ប៉ុន្តែសំណុំរឿងនៅបន្តនៅព្រឹកស្អែកទៀត ក្រោមរូបភាពជនសង្ស័យនៅក្រៅឃុំ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប៊ុន រស្មី ហៅ ប៊ុន ផាក ត្រូវសមត្ថកិច្ចចាប់ដាក់ខ្នោះបញ្ជូនមកអយ្យការអមសាលាដំបូង បន្ទាប់ពីមានពាក្យបណ្ដឹងរបស់បុរសម្នាក់ឈ្មោះ ជា ចាន់តុលា បានដាក់ពាក្យប្ដឹងពីបទឆបោក និងក្លែងបន្លំជាមេធាវីនៅក្នុងទំនាស់មួយមានទម្រង់ដូចជាស្នេហាត្រីកោណយ៉ាងមិចមិនច្បាស់លាស់ ហើយសមត្ថកិច្ចក៏ឃាត់ខ្លួនបញ្ជូនមកតុលាការ។

ក្នុងនោះ ក្រោយការសាកសួរពេញមួយថ្ងៃ លោក គឹម ហុងសាន ព្រះរាជអាជ្ញារងអមសាលាដំបូងបានសម្រេចដោះលែងឲ្យគ្រូជោគជ័យឈ្មោះ ប៊ុន រស្មី ឲ្យត្រឡប់ទៅផ្ទះវិញនាព្រលប់នេះ តែសំណុំរឿងនៅបន្តតាមនីតិវិធីនាព្រឹកស្អែក៕

ដោយ ៖ មករា