សន្តិសុខសង្គម

ខឹងប្ដីវាយធ្វើបាប ដឹកកូនមកលោតទឹកសម្លាប់ខ្លួននៅស្ពានជ្រោយចង្វា

បានផុស

៣ years មុន

នៅ

ថ្ងៃព្រហស្បតិ៍ ៩ ធ្នូ ២០២១

ដោយ

ស្ត្រីម្នាក់បាននាំកូនស្រីមកលោតទឹកសម្លាប់ខ្លួនប៉ុន្តែការប៉ុនប៉ងនោះមិនបានសម្រេចឡើយ ដោយត្រូវបានបងប្អូនប្រជាពលរដ្ឋអ្នកដំណើរឃើញទាន់ក៏ចាប់ឃាត់ទាន់ពេល។

ហេតុការណ៍នោះបានបង្កការភ្ញាក់ផ្អើលកាលពីរាត្រីថ្ងៃ៨ ខែធ្នូ ឆ្នាំ២០២១ នៅលើស្ពានជ្រោយចង្វា ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានដែលឃើញហេតុការណ៍នោះបានឲ្យដឹងថា នៅវេលាកើតហេតុគេឃើញស្ត្រីម្នាក់រួមទាំងកូនស្រីម្នាក់ទៀតដែលមានអាយុប្រហែល៥ឆ្នាំ បានធ្វើដំណើរឡើងលើស្ពានជ្រោយចង្វាលុះដល់ពេលដល់ពាក់កណ្ដាលស្ពានក៏បានឈប់អោបកូនយំបំណងនឹងលោតទឹកសម្លាប់ខ្លួនទាំងអស់គ្នា ក៏ត្រូវបានប្រជាពលរដ្ឋនាំគ្នាចាប់ឃាត់ទាន់ពេល រួចហើយនាំគ្នាលួងលោមស្ត្រីរូបនោះឲ្យចុះមកក្រោមវិញ។

បន្ទាប់ពីស្ត្រីរូបនោះសុខចិត្តលេងចង់សម្លាប់ខ្លួនហើយនោះ គាត់ក៏បានប្រាប់គេឯងថា មូលហេតុដែលគាត់ប៉ងលោតទឹកសម្លាប់ខ្លួនដើម្បីបញ្ចប់ជីវិតជាមួយកូនស្រីនេះ ដោយសារតែគាត់មានទំនាស់ជាមួយប្តីហើយប្តីបានប្រើអំពើហិង្សាលើគាត់។ ក្រោយមកគាត់ក៏វិលត្រឡប់ទៅផ្ទះរបស់គាត់នៅម្តុំផ្សារសាំហាន់វិញតែម្ដង៕

អត្ថបទ៖ រស្មី