សន្តិសុខសង្គម

ដោយសារគំនុំ បុរសម្នាក់លួចបាញ់សម្លាប់គូទំនាស់ដោយអាវុធកែច្នៃ

បានផុស

៣ years មុន

នៅ

ថ្ងៃចន្ទ ១៣ ធ្នូ ២០២១

ដោយ

បុរសជាជនដៃដល់ម្នាក់ត្រូវបានកម្លាំងនគរបាលព្រហ្មទណ្ឌ នៃស្នងការដ្ឋាននគរបាលខេត្តព្រះវិហារ សហការជាមួយកម្លាំងអធិការដ្ឋាននគរបាលស្រុកគូលែន ចុះស្រាវជ្រាវនិងធ្វើការឃាត់ខ្លួន បន្ទាប់ពីលួចបាញ់សម្លាប់គូទំនាស់ ដោយសាររឿងគំនុំ។

ការឃាត់ខ្លួននេះបានធ្វើឡើងកាលពីវេលាម៉ោង១៨និង០០នាទី ថ្ងៃទី១១ ខែធ្នូ ឆ្នាំ២០២១ នៅភូមិម្រេច ឃុំស្រយង់ ស្រុកគូលែន ខេត្តព្រះវិហារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនសង្ស័យមានឈ្មោះ ភោគ មើន ភេទប្រុស អាយុ២៣ឆ្នាំ មុខរបរកសិករ រស់នៅភូមិម្រេច ឃុំស្រយង់ ស្រុកគូលែន ខេត្តព្រះវិហារ និងបានដកហូតវត្ថុតាងអាវុធកែច្នៃ ( កាប៊ិន ) ចំនួន ០១ ដើម។ ចំណែកជនរងគ្រោះមានឈ្មោះ ឃត់ ឡុញ ភេទប្រុស។

តាមចម្លើយសារភាពរបស់ជនដៃដល់បានសារភាពថា កាលពីថ្ងៃទី១០ ខែធ្នូ ឆ្នាំ២០២១ ខ្លួនពិតជាបានធ្វើសកម្មភាពប្រើប្រាស់អាវុធកែច្នៃ ( កាប៊ិន ) លួចបាញ់ទៅលើជនរងគ្រោះពិតមែន មូលហេតុដោយសារគំនុំ។

ជនសង្ស័យត្រូវបានកម្លាំងសមត្ថកិច្ចកំពុងកសាងសំណុំរឿងបញ្ជូនទៅតុលាការចាត់ការតាមនិតិវិធីច្បាប់៕