សន្តិសុខសង្គម

បន្ទាន់!! ភ្ញាក់ផ្អើលទាំងយប់ក្មេងប្រុសវ័យ១៤ឆ្នាំម្នាក់ លួចកាំភ្លើងឪពុកមកបាញ់សម្លាប់ខ្លួននៅក្នុងបន្ទប់ទឹក

បានផុស

៣ years មុន

នៅ

ថ្ងៃអង្គារ ១៤ ធ្នូ ២០២១

ដោយ

សៀមរាប ៖ នៅវេលាម៉ោង៧យប់ថ្ងៃទី១៤ ខែធ្នូ ឆ្នាំ២០២១នេះ មានហេតុការណ៍ផ្ញាក់ផ្អើលមួយបានកើតឡើងទាំងយប់ដោយក្មេងប្រុសម្នាក់លួចយកកាំភ្លើងឪពុកមកបាញ់សម្លាប់ខ្លួននៅក្នុងបន្ទប់ទឹក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានបានឲ្យដឹងថា ហេតុការណ៍កើតឡើងនាវេលាម៉ោង ១៥និង០០នាទីថ្ងៃទី១៤ ខែធ្នូ ឆ្នាំ២០២១ មកម្ល៉េះដែលទើបនឹងមានការភ្ញាក់ផ្អើលនាមុននេះបន្តិច។ ប្រភពដដែលបានឲ្យដឹងថា ករណីដែលផ្ទុះអាវុធបណ្ដាលឲ្យស្លាប់យុវជនម្នាក់ ស្ថិតនៅភូមិដកពោធិ៍ សង្កាត់ស្លក្រាម ក្រុងសៀមរាប។

បើតាមសមត្ថកិច្ចបានឲ្យដឹងថា ក្មេងប្រុសមានវ័យជាង១០ឆ្នាំនេះ ត្រូវជាកូនមន្ត្រីអាវុធហត្ថខេត្តសៀមរាបម្នាក់ បានបាញ់សម្លាប់ខ្លួនឯងនៅក្នុងបន្ទប់ទឹក។ សមត្ថកិច្ចបន្តថា ជនរងគ្រោះមានឈ្មោះ ឌឿន ស៊ីតនីណាថាន់ អាយុ ១៤ឆ្នាំ។

ក្រោយកើតហេតុ សមត្ថកិច្ចបានចុះមកដល់ទីតាំងដើម្បីធ្វើការត្រួតពិនិត្យទៅលើសាកសពផងដែរ។ សមត្ថកិច្ចនៅមិនទាន់បញ្ជាក់អំពីមូលហេតុនៃការបាញ់សម្លាប់ខ្លួនឯងរបស់យុវជនរូបនេះនៅឡើយនោះទេ៕

ដោយ ៖ កុសល

កែសម្រួលដោយ ៖ នាគព័ន្ធ