សន្តិសុខសង្គម

ផ្ដន្ទាទោសចោរប្លន់ ២ នាក់ ដាក់ពន្ធនាគារម្នាក់ ១០ ឆ្នាំ និងម្នាក់ទៀត ៧ ឆ្នាំ

បានផុស

៣ years មុន

នៅ

ថ្ងៃព្រហស្បតិ៍ ១៦ ធ្នូ ២០២១

ដោយ

លោក អ៊ួង វុទ្ធី ចៅក្រមសាលាដំបូងរាជធានីភ្នំពេញ កាលពីព្រឹកថ្ងៃទី ១៥ ខែធ្នូ ឆ្នាំ២០២១ បានប្រកាសសាលក្រមសម្រេចផ្ដន្ទាទោសចោរប្លន់ប្រដាប់អាវុធ ២ នាក់ ដាក់ពន្ធនាគារម្នាក់កំណត់១០ ឆ្នាំ និងម្នាក់ទៀត ៧ ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តុលាការបានឲ្យដឹងថា ជនជាប់ចោទឈ្មោះ នី សុវណ្ណារ៉ា អាយុ១៨ឆ្នាំ ត្រូវបានផ្ដន្ទាទោសដាក់ពន្ធនាគារកំណត់១០ឆ្នាំ ក្រោមការចោទប្រកាន់ពីបទ បាញ់ប្លន់យកម៉ូតូ បទកាន់កាប់ដឹកជញ្ជូនអាវុធ ប្រព្រឹត្តនៅផ្លូវចូលវត្តជន្លង់ម្លូ សង្កាត់ភ្លើងឆេះរទេះ ខណ្ឌកំបូល កាលពីថ្ងៃទី ០៥ ឧសភា ឆ្នាំ២០២០ រំលងអធ្រាត្រ។

ចំណែកជនជាប់ចោទទី២ឈ្មោះ ឡុង បញ្ញា អាយុ ២៨ ឆ្នាំ ត្រូវផ្ដន្ទាទោសដាក់ពន្ធនាគារកំណត់ ៧ ឆ្នាំ ក្រោមការចោទប្រកាន់ពីបទ លួចដោយហិង្សាដោយចេតនាមានស្ថានទម្ងន់ទោស ( ប្លន់ម៉ូតូ ) ប្រព្រឹត្តនៅផ្លូវជាតិលេខ៣ ចាប់ពីផ្សារអង្គតាសោមមកភ្នំពេញ និងផ្លូវជាតិលេខ៤ ក្នុងខណ្ឌកំបូល ៕

អត្ថបទ៖ មករា

Related Topics:ផ្ដន្ទាទោស