សន្តិសុខសង្គម

ឧកញ៉ា អ៊ាន សៀវម៉ី ត្រូវក្រុមចោរប្រដាប់អាវុធ ៤ នាក់ ប្លន់យកទឹកប្រាក់ជិត ១០ លានដុល្លារ

បានផុស

៣ years មុន

នៅ

ថ្ងៃអាទិត្យ ១៩ ធ្នូ ២០២១

ដោយ

ក្រុមចោរប្រដាប់អាវុធចំនួន៤នាក់ នៅវេលាម៉ោង ១០និង៤០នាទី ព្រឹកថ្ងៃ ១៩ ខែធ្នូ ឆ្នាំ ២០២១ នេះ បានធ្វើសកម្មភាពប្លន់អ្នកលក់ឡេ ឧកញ៉ា អ៊ាន សៀវម៉ី បានកើតឡើងនៅចំណុចផ្ទះលេខវី០១ បុរីមូនថោន ភូមិគោកចំបក់ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ដោយយកគ្រឿងអលង្ការ និងលុយដុល្លារសរុបជាទឹកប្រាក់ជិត១០លានដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនសង្ស័យមួយក្រុម ស្លៀកពាក់ឯកសណ្ឋានឈុតខ្មៅ ប្រដាប់ដោយអាវុធ ជិះរថយន្តស៊េរីទំនើបមួយគ្រឿង ចូលភ្ជង់គំរាមលោកស្រីឧកញ៉ា អ៊ាន សៀវម៉ី យកលុយខ្ទង់លានដុល្លារបានសម្រេច ហើយឡើងជិះរថយន្តគេចខ្លួនបាត់ស្រមោល។ ជនសង្ស័យប្រមាណ៦ ទៅ៧នាក់ សុទ្ធតែឯកសណ្ឋានឈុតខ្មៅ ក្រោយធ្វើសកម្មភាពបានសម្រេចហើយ ឡើងជិះរថយន្តស៊េរីទំនើប GS300 ពណ៌ស អត់ស្លាកលេខ គរចខ្លួនបាត់ស្រមោល។

ក្រោយកើតហេតុភ្លាមៗ កម្លាំងចម្រុះ មាននគរបាល អាវុធហត្ថ ទាំងមូលដ្ឋាន ក្រសួងចុះទៅទីតាំងកើតហេតុ ដាក់បម្រាមមិនអនុញ្ញាតឲ្យអ្នកសាព័ត៌មាន ចូលទៅទីកន្លែង កើតហេតុឡើយ ខណៈដែលកម្លាំងសមត្ថកិច្ច កំពុងធ្វើការស្រាវជ្រាវ។ ជុំវិញករណីភ្ជង់គំរាមយកទ្រព្យសម្បត្តិ លុយកាក់ខាងលើ គ្រាន់តែសមត្ថកិច្ចបង្ហើបឲ្យដឹងថា អស់លុយខ្ទង់លានដុល្លារ៕