ឧកញ៉ា អ៊ាន សៀវម៉ី ប្រាប់សមត្ថកិច្ចថា មិនមានបាត់បង់ថវិកាឡើយ គឺបាត់តែខ្សែក​ ៣ខ្សែ​តែប៉ុណ្ណោះ​

សមត្ថកិច្ចរាជធានីភ្នំពេញ បានបញ្ជាក់ថា ករណីក្រុមជនសង្ស័យ ចូលបន្ល់ក្នុងផ្ទះលោកស្រី ឧកញ៉ា អ៊ាន សៀវម៉ី អ្នកលក់ផលិតអនឡាញល្បីឈ្មោះម្នាក់នោះ គឺមិនមានការបាត់បង់ប្រាក់រហូតដល់ ១០លានដុល្លារនោះទេ ពោលគឺបាត់តែខ្សែក ៣ខ្សែតែប៉ុណ្ណោះ។

លោកវរសេនីយ៍ឯក សាន សុខសីហា អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ​ តាមរយៈសារព័ត៌មានកម្ពុជាថ្មី បានបំភ្លឺទាក់ទងទៅនឹង ជនមិនស្គាល់មុខមួយក្រុម ចូលប្លន់ផ្ទះលោកស្រី​ ឧក​ញ៉ា អ៊ាន​ សៀវម៉ី នៅព្រឹកថ្ងៃទី ១៩ ខែធ្នូ ឆ្នាំ ២០២១នេះ។

អ្នកនាំពាក្យរូបនេះ បានបញ្ជាក់ថា ពុំមានការបាត់បង់យកលុយ​ និងគ្រឿងអលង្កការ​សរុប​ចំនួន​ ១០លានដុល្លារ​នោះទេ។ លោកវរសេនីយ៍ឯក សាន សុខសីហា បានឲ្យដឹងទៀតថា ពេលនេះសមត្ថកិច្ចចម្រុះ កំពុងតែធ្វើការសាកសួរ​ និងស្រាវជ្រាវឲ្យបានច្បាសលាស់លើករណីនេះ​។ តែជាជំហានដំបូង តាមចម្លើយជនរងគ្រោះ បានបញ្ជាក់យ៉ាងច្បាស់ថា​ មិនមានបាត់បង់ថវិកាឡើយ គឺបាត់តែខ្សែក​ ៣ខ្សែ​តែប៉ុណ្ណោះ​។

ជាមួយគ្នានេះ អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ បានគូសបញ្ជាក់ទៀតថា ពេលនេះសមត្ថកិច្ច កំពុងតែធ្វើការស្រាវជ្រាវ យ៉ាងយកចិត្តទុកដាក់ លើករណីនេះ៕