សន្តិសុខសង្គម

ឃាត់ខ្លួន មុខសញ្ញាប្លន់ប្រដាប់អាវុធ ក្រោយរត់គេចខ្លួនអស់ពេល ១៤ ឆ្នាំ

បានផុស

៣ years មុន

នៅ

ថ្ងៃពុធ ២២ ធ្នូ ២០២១

ដោយ

ជនសង្ស័យម្នាក់ ដែលជាមុខសញ្ញាប្លន់ប្រដាប់អាវុធ ហើយបានព្យាយាមគេចខ្លួន អស់រយៈពេល ១៤ ឆ្នាំ ត្រូវបានតុលាការចេញដីកា បង្គាប់ឲ្យចាប់ខ្លួនយកមកផ្តន្ទាទោស ខណៈដែលមុខសញ្ញារូបនេះ បានបង្ហាញខ្លួននៅលើទឹកដីនៃស្រុកកំណើត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអនុវត្តដីកា ចាប់ខ្លួននេះ បានធ្វើឡើងកាលពីថ្ងៃទី ២១ ខែធ្នូ ឆ្នាំ ២០២១ វេលាម៉ោង ៣ និង ៤០នាទីរសៀល នៅចំណុចក្រុមទី ៣ ភូមិរុន ឃុំគារ ស្រុកមោងឫស្សី ខេត្តបាត់ដំបង តាមបទបញ្ជារបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង ផងដែរ។

ក្នុងខណៈពេលដែលមុខសញ្ញាបានបង្ហាញខ្លួន គឺលោកវរសេនីយ៍ឯក ស គឹមឡុង អធិការនគរបាលស្រុកមោងឫស្សី បានដឹកនាំកម្លាំងផ្នែកនគរបាលយុត្តិធម៌ សហការជាមួយកម្លាំងប៉ុស្តិ៍នគរបាលរដ្ឋបាលគារ អនុវត្តដីកាឱ្យចាប់ខ្លួនលេខ៤១៤ច ប.ខ ចុះថ្ងៃទី ០៤ ឧសភាឆ្នាំ ២០០៧ របស់លោក គី ឫទ្ធី ចៅក្រមស៊ើបសួរនៃសាលាដំបូងខេត្តបាត់ដំបង ដោយបង្គាប់ឲ្យចាប់ខ្លួនឈ្មោះ ពៅ កុសល់ ភេទប្រុស បច្ចុប្បន្ន អាយុ ៤៣ ឆ្នាំ ទីលំនៅមុនចាប់ខ្លួន ភូមិជ្រៃ២ ឃុំជ្រៃ ស្រុកមោងឫស្សី ខេត្តបាត់ដំបង ជាប់ចោទពីបទប្លន់ ប្រព្រឹត្តនៅភូមិគរ ឃុំព្រៃស្វាយ ស្រុកមោងឫស្សី ខេត្តបាត់ដំបង កាលពីថ្ងៃទី ៣ ខែឧសភា ឆ្នាំ ២០០៧ កន្លងទៅ។