សមាជិក​ជាន់​ខ្ពស់​​​គណបក្ស​​​ខ្មែរ​ក្រោកម្នាក់​ត្រូវ​បាន​​ចាប់​ខ្លួន​ក្រោយ​ជាប់ពាក់ព័ន្ធ​នឹង​ករណី​ប្លន់​

សមាជិក​ជាន់​ខ្ពស់​របស់​​គណបក្ស​ខ្មែរ​ក្រោក​ម្នាក់​ត្រូវ​បាន​​សមត្ថកិច្ច​ឃាត់​​ខ្លួន​ បន្ទាប់​ពី​ជាប់​ពាក់ព័ន្ធ​ករណី​ប្លន់​ប្រដាប់​អាវុធ​​​លើ​អ្នក​លក់​ឡេ​ល្បី​ឈ្មោះ​ម្នាក់​ឈ្មោះ អ៊ាន សៀវម៉ី​។

​យោង​តាម​របាយ​ការណ៍​សមត្ថកិច្ច​កាលពី​ព្រឹក​ថ្ងៃ​ទី​១៩ ខែធ្នូ ឆ្នាំ​២០២១ សមត្ថ​កិច្ច​បានធ្វើ​ការ​ប្រដេញ​តាម​ចាប់ និង​ឡោ ម​ព័ទ្ធ​ រហូត​ឈាន​ដល់​ឃាត់​ខ្លួន​បាន​ជនសង្ស័ យ​ទាំង​០២​នាក់ ដោយ​យក​ទៅ​ធ្វើការ​សាកសួរ​បន្ត នៅ​អធិការ​ដ្ឋាន​នគរបាល ខណ្ឌ​ពោធិ៍​សែន​ជ័យ ។

​ជន​​សង្ស័យ​ទាំង​២​រូប ដែល​ជា​បក្សពួក​ចោរ​ប្លន់ ​ម្នាក់​ឈ្មោះ កេ​ត ម៉ាច ភេទ​ប្រុស អាយុ​២៦​ឆ្នាំ ជា​សមាជិក​ប្រឹក្សា​ជាន់ខ្ពស់​គណបក្ស​ខ្មែរ​ក្រោក មាន​ទីលំនៅ​ក្នុង​ភូមិ​ប្រមូលផ្តុំ ឃុំ​ត្រាច ស្រុក​ជ័យ​សែន ខេត្ត​ព្រះវិហារ ។ និង​ម្នាក់​ទៀត​ឈ្មោះ ថុ​ន វឌ្ឍនៈ​បូ​រ៉ា​ម៉ី ភេទ​ស្រី អាយុ​២៧​ឆ្នាំ មុខរបរ និង​ទិញ​លក់ ​រថយន្ត មាន​ទីលំនៅ​ភូមិ​វាល​ស្បូវ សង្កាត់​វាល​ស្បូវ ខណ្ឌ​ច្បារ​អំពៅ រាជធានី ​ភ្នំពេញ ។​​

ក្នុង​នោះ​ដែរ​ជន​សង្ស័យ​ ចំនួន​០២​នាក់ ​​បើក​រថយន្ត​ម៉ាក​ឡិច​ស៊ី GS-300 គ្មាន​ស្លាក​លេខ ​ទៅ​កន្លែង​ស្ងាត់​ដើម្បី​ដុត​កម្ទេច​ ចោល​បំណង​បំផ្លាញ​ភស្តុតាង​នៅ​យប់​ថ្ងៃ​ទី​២០ ខែ​ធ្នូ ឆ្នាំ​២០២១ ក៏​ត្រូវ​សមត្ថ ឃាត់​ខ្លួន​តែ​ម្តង​។

វេលាម៉ោងប្រមាណ១០ និង៤០នាទី ព្រឹកថ្ងៃទី ១៩ ខែធ្នូ ឆ្នាំ ២០២១ ផ្ទះអ្នកលក់ឡេអនឡាញ អ៊ាន សៀវម៉ី ត្រូវបានក្រុមចោរ មួយក្រុមមានគ្នា ៥នាក់ ស្លៀកពាក់ឯកសណ្ឋានសមត្ថកិច្ច កាន់ដីកា​បង្គាប់​ឲ្យ​នាំ​ខ្លួន បន្លំចូលចាប់ខ្លួន អ្នកលក់ឡេអនឡានល្បីឈ្មោះ អ៊ាន សៀវម៉ី ហើយធ្វើ​សកម្មភាព​ប្លន់តែម្តង។ ក្រោយពួកចោរ បានចាកចេញប្រមាណ ៧នាទី ហើយប្អូនប្រុសរបស់ អ៊ាន សៀវម៉ី បានហៅទូរស័ព្ទមកកាន់លេខ ១២៩១ របស់អាវុធហត្ថរាជធានីភ្នំពេញ ដើម្បីសុំការអន្តរាគមន៍។ លោក សុខសុវណ្ណ វឌ្ឍនាសាប៊ុង ដែលមានឈ្មោះហៅក្រៅថា William Guang ប្រធានគណបក្ស​ខ្មែរក្រោក បានសារភាពប្រាប់​សមត្ថកិច្ច ​​ដោយ​សង្ស័យ​​ជាប់​ពាក់ព័ន្ធ​នឹង​ករណី​ប្លន់​ខាង​លើ​៕