ជន​សង្ស័យ​គ្រឿង​ញៀន​៣​នាក់​ ត្រូវ​បាន​ប៉ូលីស​ស្រុក​បាទី​បង្ក្រាប​

ជន​សង្ស័យគ្រឿងញៀន៣នាក់​ត្រូវប៉ូលីសស្រុកបាទីបង្ក្រាបបានជាមួយ​ និង​វត្ថុតាងនៅព្រឹកថ្ងៃទី២៤ ខែធ្នូ ឆ្នាំ២០២១ តាមបទបញ្ជា និងការណែនាំចង្អុលបង្ហាញពីសំណាក់ លោកឧត្តមសេនីយ៍ទោ ឈាង ផាន់ណារ៉ា ស្នងការនគរបាលខេត្តតាកែវ ដោយមានការសម្របសម្រួលពីលោក ជីវ ចាន់តារា ព្រះរាជអាជ្ញាអមសាលាដំបូងខេត្តតាកែវ។

ការបង្រ្កាបករណីជួញដូរនិងប្រើប្រាស់ដោយខុសច្បាប់នូវសារធាតុញៀននេះ ធ្វើឡើង​នៅ​ចំណុច​ភូមិ​ព្រៃ​ក្រាយ ឃុំតាំងដូង ស្រុកបាទី ខេត្តតាកែវ ដោយឃាត់ខ្លួនជនសង្ស័យបានចំនួន៣នាក់ ដែល​មាន​ឈ្មោះ៖ ១-ឈ្មោះ តាន់ នីម ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ មាន​ទីលំ​នៅ​ភូមិព្រៃក្រោយ ឃុំតាំងដូង ស្រុកបាទី ។ ២-ឈ្មោះ ស៊ិន ឧត្តមភក្តី ភេទប្រុស អាយុ៣៥ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិត្រពាំងពោធិ៍ ឃុំវាល ស្រុកគងពិសី ខេត្ត​កំពង់ស្ពឺ។ ៣-ឈ្មោះ ផាត ភារិន ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ មាន​ទីលំនៅ​ភូមិក្រសាំងជី ឃុំវាល ស្រុកគងពិសី ខេត្តកំពង់ស្ពឺ(ទាំង៣នាក់ជាមុខសញ្ញាជួញដូរ)។

ចំណែកវត្ថុតាងរួមមាន គ្រឿងញៀនប្រភេទមេតំហ្វេតាមីន(ICE)ចំនួន០២កញ្ចប់(ធំ០១កញ្ចប់ និងតូច០១កញ្ចប់) មានទម្ងន់៦,៤៧ក្រាម(ប្រាំមួយក្បៀសសែសិបប្រាំពីរក្រាម) ម៉ូតូ១គ្រឿង និង​ទូរស័ព្ទ​ដៃ​០២គ្រឿងផងដែរ។ បច្ចុប្បន្នជនសង្ស័យទាំង០៣នាក់ រួមនិងវត្ថុតាង​បាន​បញ្ជូន​ទៅ​កាន់​សាលា​ដំបូងខេត្តតាកែវ ដើម្បីចាត់ការតាមនីតិវិធី៕

អត្ថបទ៖ វីរៈ