សន្តិសុខសង្គម

អាជ្ញាធរថៃចាប់ខ្លួនអាជីវករខ្មែរម្នាក់ ពាក់ព័ន្ធបទល្មើសរំលោភកម្មសិទ្ធិបញ្ញា

បានផុស

៣ years មុន

នៅ

ថ្ងៃអង្គារ ៤ មករា ២០២២

ដោយ

អាជីវករខ្មែរលក់ដូរនៅផ្សាររោងគ្លឿម្នាក់លួចលក់ស្បែកជើងល្មើសកម្មសិទ្ធិបញ្ញាអ្នកដ៏ទៃត្រូវនគរ បាលខេត្តស្រះកែវ ប្រទេសថៃ ចុះស៊ើបអង្កេតរកឃើញព្រមទាំងរឹបអូសវត្ថុតាងទំនិញល្មើសកម្ម សិទ្ធបញ្ញា ក្នុងនោះមានស្បែកជើងគ្មានស្លាកសញ្ញា យីហោ ណៃ គី ចំនួន៦០គូរ ស្បែកជើង យីហោ VANS ចំនួន១០៣ គូរ ស្បែកជើងយីហោ ខន វេរិ ស ចំនួន៥២គូរ និងស្បែកជើង យីហោ អាឌី ដាស ចំនួន១១៣ គូរ សរុបទាំងអស់ ចំនួន៣២៨ គូរ នេះបើយោងការចុះផ្សាយតាមគេហទំពរ័ក្នុងស្រុក របស់ថៃ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការឃាត់ខ្លួនអាជីវករខ្មែរលក់ដូរនៅផ្សាររោងគ្លឿបានធ្វើឡើងកាលពីថ្ងៃទី៣ ខែមករា ឆ្នាំ២០២២ ក្នុងផ្សាររោងគ្លឿតែម្តង។

នគរបាលខេត្តស្រះកែវ បានបញ្ជាក់ឲ្យដឹងបន្តទៀតថា អាជីវករខ្មែរលក់ដូរនៅផ្សាររោងគ្លឿនោះមានឈ្មោះ ធៀម ស៊ីម៉ា អាយុ៣២ឆ្នាំ ជនជាតិខ្មែរ នៅក្នុងផ្សារទេសបាល៣ អាគារហ្វាបន្ទប់ V 113 ឃុំអារញ្ញ ស្រុកអារញ្ញ ខេត្តស្រះកែវ ។

តាមសមត្ថកិច្ចថៃបានឲ្យដឹងថា ការឃាត់ខ្លួនអាជីវករខ្មែរនេះ គឺមានសេចក្ដីរាយការណ៍របស់កម្លាំង ស៊ើបការណ៍សម្ងាត់របស់ថៃថា មានការលួចចែកចាយទំនិញល្មើសកម្មសិទ្ធិបញ្ញានៅក្នុងផ្សាររោង គ្លឿ ដោយបញ្ជូនលក់ទៅឲ្យម៉ូយតាមប្រៃសនីយ៍ ទើបសមត្ថកិច្ចថៃដឹកនាំកម្លាំងចុះទៅចាប់ខ្លួនបាន នៅក្នុងតូបលក់ ព្រមទាំងភស្តុតាងការទាក់ទងលក់ – ទិញ តាមអនឡាញ និងពិនិត្យរកឃើញ វត្ថុតាងយ៉ាងច្រើនទើបសម្រេចឃុំខ្លួន និងចោទប្រកាន់ពីបទរក្សាទុក និងចែកចាយទំនិញល្មើសកម្ម សិទ្ធិបញ្ញាមុនហ្នឹងនាំខ្លួន ព្រមទាំងវត្ថុតាងបញ្ជូនទៅឲ្យជំនាញ ខ្លងលឹក ខេត្តស្រះកែវ ដើម្បីចាត់ការ តាមច្បាប់បន្តទៀត៕

អត្ថបទ៖ វ៉ាន់ ណាង