សន្តិសុខសង្គម

ចុះត្រួតពិនិត្យមជ្ឈមណ្ឌលកែសម្ផស្សផ្ការំដួល ឃាត់ខ្លួនពេទ្យនិងជំនួយការ៤នាក់

បានផុស

៣ years មុន

នៅ

ថ្ងៃពុធ ៥ មករា ២០២២

ដោយ

ភ្នំពេញ ៖ គណៈកម្មការប្រយុទ្ធប្រឆាំងផលិតផលក្លែងក្លាយ បានចុះត្រួតពិនិត្យមជ្ឈមណ្ឌលកែសម្ផស្សផ្ការំដួល ដែលមានទីតាំង ស្ថិតនៅក្នុងតំបន់បឹងកក់ ផ្លូវលេខ R8 សង្កាត់ស្រះចក ខណ្ឌដូនពេញ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងការចុះត្រួតពិនិត្យនេះ បានធ្វើការឃាត់ខ្លួនពេទ្យនិងជំនួយការទាំង៤នាក់នេះ នាវេលាម៉ោង៧យប់ ថ្ងៃទី០៥ ខែធ្នូ ឆ្នាំ២០២២ តាមពាក្យបណ្ដឹងរបស់ជនរងគ្រោះដែលបានមកកែសម្ផស្សកន្លងមក។

សូមបញ្ជាក់ថា នៅក្នុងការចុះឃាត់ខ្លួននេះ ក៏ឃើញមានវត្តមាន មេធាវីជាច្រើនរូប ចុះមកដល់ទីតាំងបង្ក្រាប និងត្រួតពិនិត្យ ដើម្បីធានាខ្លួនបុគ្គលិកទាំងអស់នៅក្នុងទីតាំង មជ្ឈមណ្ឌលកែសម្ផស្ស យីហោ ផ្ការំដួល ដោយមានការមិនឯកភាពគ្នា ទើបពន្យារពេលក្នុងការបន្តនីតិវិធី។

លុះដល់វេលាម៉ោង០៧យប់ថ្ងៃដដែល ទើបមានការសម្របសម្រួលគ្នា រវាងកម្លាំងនគរបាលគណៈកម្មាធិការ ប្រយុទ្ធ ប្រឆាំងផលិតផលក្លែងក្លាយរបស់ក្រសួងមហាផ្ទៃ និងមេធាវី ដោយឃាត់ខ្លួនតែមនុស្សប្រុសស្រីចំនួន០៤នាក់(ប្រុស០២នាក់) ប៉ុណ្ណោះដែលជា ពេទ្យនិងជំនួយការ ដើម្បីបញ្ជូនខ្លួនទៅក្រសួងមហាផ្ទៃធ្វើការសាកសួរ។

ចំពោះបុគ្គលិកនារីៗជាង១០នាក់បន្ថែមទៀត ត្រូវបានក្រុមមេធាវីធ្វើការធានាខ្លួនឲ្យស្នាក់នៅទីតាំងមជ្ឈមណ្ឌលកែសម្ផស្ស យីហោ ផ្ការំដួល ជាបណ្ដោះអាសន្នដើម្បីបន្តនីតិវិធី៕

កែសម្រួលដោយ ៖ នាគព័ន្ធ