សន្តិសុខសង្គម

ចាប់ឃុំខ្លួនមន្ត្រីយោធាផ្កាយ ៣ ម្នាក់ ពាក់ព័ន្ធក្លែងបន្លំឯកសារសាធារណៈ

បានផុស

៣ years មុន

នៅ

ថ្ងៃចន្ទ ១០ មករា ២០២២

ដោយ

អតីតមន្ត្រីយោធាពាក់ផ្កាយ ៣ ម្នាក់ ត្រូវនគរបាលចាប់ខ្លួន និងនាំមកបង្ហាញខ្លួននៅអយ្យការអមសាលាដំបូងរាជធានីភ្នំពេញ នៅព្រឹកថ្ងៃទី ១០ ខែមករា ឆ្នាំ ២០២២ នេះ ពាក់ព័ន្ធ បទល្មើស « ផ្តើមគំនិតក្នុងអំពើក្លែងបន្លំឯកសារសាធារណៈ » ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនជាប់ចោទឈ្មោះ យី កុយ អាយុ ៧៣ ឆ្នាំ ភេទប្រុស ជនជាតិខ្មែរ មុខរបរយោធា ស្នាក់នៅផ្ទះលេខ ២០៥B ដីឡូតិ៍លេខ ៥ ផ្លូវជាតិលេខ ២ ភូមិព្រែកតានូ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។ លោក យី កុយ ត្រូវបានកម្លាំងការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញ ស្រាវជ្រាវឃាត់ខ្លួននៅថ្ងៃទី ០៩ ខែមករា ឆ្នាំ ២០២២ វេលាម៉ោង ០៩:១០ នាទី

នៅចំណុចមុខសាលាសង្កាត់ចាក់អង្រែក្រោម ផ្លូវជាតិលេខ ២ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ពាក់ព័ន្ធករណីផ្តើមគំនិតក្នុងអំពើក្លែងបន្លំឯកសារសាធារណៈ ប្រព្រឹត្តនៅចំណុចភូមិក្រាំង សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ កាលពីថ្ងៃទី ០៩ ខែឧសភា ឆ្នាំ ២០១៤ ។

សមត្ថកិច្ចបង្ហាញថា ការចាប់ខ្លួនលោក យី កុយ គឺអនុវត្តតាមដីកាបង្គាប់ឲ្យចាប់ខ្លួន-ឃុំខ្លួន របស់លោក ឃុន លាងម៉េង ប្រធានក្រុមប្រឹក្សាជំនុំជម្រះ សាលាឧទ្ធរណ៍ភ្នំពេញ។ ឥឡូវនេះសមត្ថកិច្ចបានខ្លួនជនជាប់ចោទមកបង្ហាញមុខនៅអយ្យការអមសាលាដំបូងហើយ ដើម្បីអនុវត្តតាមសេចក្ដីសម្រេចនៅក្នុងសាលដីការបស់សាលាឧទ្ធរណ៍៕

អត្ថបទ៖ មករា

Related Topics:សាលាដំបូងរាជធានីភ្នំពេញ