សន្តិសុខសង្គម

ឆ្នាំ ២០២១ បង្ក្រាបបទល្មើសព្រហ្មទណ្ឌ បានជាង ៣០០ លើក ឯគ្រោះថ្នាក់ចរាចរណ៍ថយចុះជាង ៥០០ ករណី

បានផុស

៣ years មុន

នៅ

ថ្ងៃព្រហស្បតិ៍ ១៣ មករា ២០២២

ដោយ

ក្នុងមួយឆ្នាំ ២០២១ កន្លងមកនេះ បទល្មើសព្រហ្មទណ្ឌ បានកើតមានឡើងតែជាង ៣០០ លើកប៉ុណ្ណោះ បើប្រៀបធៀបឆ្នាំ ២០២០ បទល្មើសនេះបានថយចុះជាងពាក់កណ្តាល។ ចំណែកគ្រោះថ្នាក់ចរាចរណ៍ ក៏បានថយចុះជាង ៥០០ ករណីផងដែរ។ ករណីនេះទាំងអាជ្ញាធររាជធានីភ្នំពេញ និងសមត្ថកិច្ចពាក់ព័ន្ធទទួលបានការកោតសរសើរយ៉ាងខ្លាំងពីក្រុមប្រឹក្សារាជធានីភ្នំពេញ។

ប្រធានក្រុមប្រឹក្សារាជធានីភ្នំពេញ លោកម៉ប់ សារិន ក្នុងកិច្ចប្រជុំសាមញ្ញលើកទី ៣២ របស់ក្រុមប្រឹក្សារាជធានីភ្នំពេញ កាលពីថ្ងៃទី ១២ ខែមករា ឆ្នាំ ២០២២ នេះ បានមានប្រសាសន៍លើកឡើងថា អាជ្ញាធររាជធានីភ្នំពេញ និងសមត្ថកិច្ចពាក់ព័ន្ធ ក្រៅពីបានពុះពារជម្នះរាល់ការលំបាក ទាំងការទប់ស្កាត់ ប្រយុទ្ធប្រឆាំងនឹងជំងឺកូវីដ-១៩ ប្រែក្លាយរាជធានីភ្នំពេញពីគ្រោះអាសន្នមកកាន់ ភាពកក់ក្តៅ ភាពញញឹម ដូចសព្វថ្ងៃ ជាមួយនិងការដោះស្រាយសង្គ្រោះប្រជាពលរដ្ឋ បានទាន់ពេលវេលា ដែលបង្កមកពីទឹកជំនន់ហើយនោះ អាជ្ញាធរនិងកងកម្លាំងនូវរក្សាបានសន្តិសុខល្អប្រសើរថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងនៅក្នុងឆ្នាំ ២០២១ កន្លងមកនេះ បទល្មើសព្រហ្មទណ្ឌកើតមាន ៣២៨ លើក/៦៥៤លើក ថយចុះ ៣២៦ លើក បង្ក្រាបបាន ៣១១ ករណី ស្មើនឹង ៩៤,៨១% ។ ចំណែកគ្រោះថ្នាក់ចរាចរណ៍មានការថយចុះ ៥៦៤ លើក។ ចំណុចនេះ លោកសូមកោតសរសើរចំពោះអាជ្ញាធរ និងសមត្ថកិច្ចពាក់ព័ន្ធដែលបានខិតខំយកចិត្តទុកដាក់អនុវត្តបានល្អប្រសើរ ធ្វើឱ្យប្រជាពលរដ្ឋមានទំនុកចិត្ត៕