សន្តិសុខសង្គម

ឆក់ទាំងព្រឹកនៅខណ្ឌពោធិ៍សែនជ័យ ជនរងគ្រោះដួលរបួសធ្ងន់ធ្ងរ

បានផុស

៣ years មុន

នៅ

ថ្ងៃសៅរ៍ ១៥ មករា ២០២២

ដោយ

ជនសង្ស័យមួយក្រុមធ្វើសកម្មភាពឆក់ការបូបពីស្ត្រីម្នាក់បានសម្រេចបណ្តាលឱ្យដួលបោកក្បាលរងរបួសធ្ងន់ធ្ងរ ខណៈដែលជនរងគ្រោះកំពុងជិះម៉ូតូធ្វើដំណើរតាមផ្លូវ ជនសង្ស័យគេចទៅបាត់ដោយសុវត្តិភាព។

ហេតុការណ៍នេះបានកើតឡើងកាលពីវេលាម៉ោង៩និង៥០នាទីព្រឹកថ្ងៃទី១៥ ខែមករា ឆ្នាំ២០២២ នៅតាមបណ្តោយមហាវិថីសហព័ន្ធរុស្សី ភូមិក្បាលដំរី១ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ត្រីរងគ្រោះស្ថិតក្នុងសភាពរបួសធ្ងន់ធ្ងរ បោកផុងលលាដ៍ សន្លប់ឈឹង មានឈ្មោះ ពុំ រ៉ាវី ភេទស្រី វ័យជាង៣០ឆ្នាំ ស្នាក់នៅភូមិត្រពាំងពោធិ៍ សង្កាត់ចោមចៅទី៣ ខណ្ឌពោធិ៍សែនជ័យ ។

តាមប្រភពពីប្រជាពលរដ្ឋបានឱ្យដឹងថា មុនកើតហេតុគេឃើញជនរងគ្រោះជិះម៉ូតូម៉ាកហុងដាវ៉េវ ធ្វើដំណើរតាមមហាវិថីសហព័ន្ធរុស្សី ក្នុងទិសដៅពីលិចទៅកើត លុះទៅដល់ខាងកើតច្រកចូលអាកាសយាន្ដដ្ឋានអន្តរជាតិភ្នំពេញ ត្រូវបានជនសង្ស័យជិះម៉ូតូម៉ាកហុងដាឌ្រីម មិនចាំស្លាកលេខ ធ្វើសកម្មភាពឆក់ទាញយកកាបូប បណ្តាលឱ្យជនរងគ្រោះដួលបោកនឹងថ្នល់ រងរបួសធ្ងន់ធ្ងរត្រូវបានរថយន្តគ្លីនិកឯកជនដឹកយកទៅសង្គ្រោះនៅមន្ទីរពេទ្យ ចំណែកម៉ូតូជនរងគ្រោះ ត្រូវបានសមត្ថកិច្ចយកទៅរក្សាទុកនៅប៉ុស្តិ៍ភ្លាមៗ ។