សន្តិសុខសង្គម
លួចម៉ូតូបាន ១០ នាទី បុរសម្នាក់ ត្រូវសមត្ថកិច្ចចាប់ខ្លួនមកវិញ
មុខសញ្ញាកាច់សោម៉ូតូម្នាក់ ត្រូវកម្លាំងអធិការដ្ឋានស្រុកមោងឫស្សី ចាប់ខ្លួនដើម្បីបញ្ជូនទៅតុលាការ ក្រោយពីជនសង្ស័យរូបនេះ បានធ្វើសកម្មភាពកាច់សោម៉ូតូរួចយកទៅបាត់ បាន១០នាទី។ ហេតុការណ៍នេះ បានកើតឡើងកាលពីថ្ងៃទី ១៦ ខែមករា ឆ្នាំ ២០២២ វេលាម៉ោង១០ និង ០៥នាទីព្រឹក ត្រង់ចំណុចប្រឡាយចិន ស្ថិតក្នុងក្រុមទី៤ ភូមិបឹងព្រីង ឃុំព្រៃតូច ស្រុកមោងឫស្សី ខេត្តបាត់ដំបង ។
![](https://www.kampucheathmey.com/wp-content/uploads/2022/01/IMG-20220116-WA0006-460x1024.jpg)
ក្នុងករណីនេះ គឺបានប្រព្រឹត្តឡើងដោយជនសង្ស័យ មិនស្គាល់អត្តសញ្ញាណ បានជិះម៉ូតូ ១ គ្រឿង មកធ្វើសកម្មភាពលួចកាច់សោម៉ូតូ ០១ គ្រឿង ម៉ាកហុងដាសេ ១២៥ ពណ៌ខ្មៅ សេរី ២០១៧ ស្លាកលេខតាកែវ1O-3536 ជារបស់ឈ្មោះ ហាត គង់ ហៅតាប្រេង ភេទប្រុស អាយុ ៥៦ ឆ្នាំ មានទីលំនៅភូមិព្រាននិល ឃុំព្រៃតូច ស្រុកមោងឫស្សី ដែលទុកនៅក្បែរខ្នងប្រឡាយចិន(ចំណុចកើតហេតុខាងលើ) រួចដើរទៅច្រូតស្មៅគោបានប្រហែល ១ ម៉ោង ពេលដើរមកយកម៉ូតូវិញក៏បាត់ពុំឃើញ រួចបានរាយការណ៍ទៅសមត្ថកិច្ចប៉ុស្តិ៍ព្រៃតូចដើម្បីជួយអន្តរាគមន៍។
![](https://www.kampucheathmey.com/wp-content/uploads/2022/01/IMG-20220116-WA0005-461x1024.jpg)
![](https://www.kampucheathmey.com/wp-content/uploads/2022/01/IMG-20220116-WA0002-461x1024.jpg)
បន្ទាប់ពីទទួលបានព័ត៌មានភ្លាម កម្លាំងប៉ុស្តិ៍នគរបាលរដ្ឋបាលព្រៃតូច សហការជាមួយកម្លាំងផ្នែកនគរបាលយុត្តិធម៌ នៃអធិការដ្ឋាននគរបាលស្រុកមោងឫស្សី បានចុះធ្វើការស្រាវជ្រាវរហូតឃាត់ខ្លួនបានជនសង្ស័យម្នាក់ ឈ្មោះ យិន យូរហួ ភេទប្រុស អាយុ ៣៧ ឆ្នាំ រស់នៅភូមិដាំស្ពៃ សង្កាត់ស្លាកែត ក្រុងបាត់ដំបង រួមនិងម៉ូតូចំនួន ០២ គ្រឿង(ម៉ូតូជនសង្ស័យ ០១ គ្រឿង និងម៉ូតូដែលលួចខាងលើ ០១ គ្រឿង) នៅវេលាម៉ោង ១០ និង ១៥ នាទីព្រឹក ថ្ងៃដដែល ត្រង់ចំណុចទួលច្រាបដង្កោ ស្ថិតក្នុងភូមិព្រាននិន ឃុំព្រៃតូច ស្រុកមោងឫស្សី រួចបញ្ជូនទៅកាន់អធិការដ្ឋាននគរបាលស្រុកមោងឫស្សី ដើម្បីចាត់ការតាមច្បាប់ ដោយឡែកបក្ខពួក សមត្ថកិច្ចកំពុងបន្តការស្រាវជ្រាវ៕
អត្ថបទ៖ សោ និយមរ័ត្ន
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៥ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៤ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៧ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ជីវិតកម្សាន្ដ៥ ថ្ងៃ ago
ផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
ជីវិតកម្សាន្ដ២ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍២ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
ព័ត៌មានជាតិ២ ថ្ងៃ ago
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង