សន្តិសុខសង្គម

ឆេះរោងចក្រនៅផ្លូវជាតិលេខ៣ ស្រុកត្រាំកក់ម្សិលមិញ បំផ្លាញសម្ភារៈរាប់សិបតោន

បានផុស

៣ years មុន

នៅ

ថ្ងៃសៅរ៍ ២២ មករា ២០២២

ដោយ

អគារផ្ទុកសម្ភារៈមួយខ្នងទំហំ៣៥ម៉ែត្រ x ៤០ម៉ែត្រ ធ្វើពីថ្មប្រក់ស័ង្កសី ត្រូវបានអគ្គីភ័យឆាបឆេះអស់ទាំងស្រុង ដោយឡែកសម្ភារៈដែលជាសង្វាក់ផលិតកម្មរាប់សិបតោនក៏ត្រូវឆេះអស់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឌុក ធីយ៉ា អធិការនគរបាលស្រុកត្រាំកក់ បានឲ្យដឹងថា តាមរបាយការណ៍នៃការខាតបង់ពីខាងរោងចក្រមាន៖

*សំបកកាតុង១០តោន

*អាវស្តុក២០០០កាតុង

*ស្នោអេប៉ុង៥០តោន

*ម៉ាស៊ីនក្រឡុកស៊ីម៉ង់ត៍០១គ្រឿង

*រថយន្តកុងទឺន័រ០១គ្រឿង

*ម៉ូតូ០៤គ្រឿង។ ចំណែកកម្មករកម្មការិនីមិនមានរងគ្រោះស្លាប់ឬរបួសនោះទេ។

លោកអធិការស្រុកបន្តថា ក្នុងហេតុការណ៍នេះ ប្រើប្រាស់រថយន្តពន្លត់អគ្គិភ័យចំនួន១៩គ្រឿង និងបាញ់ទឹកអស់៨២ធុង ក្នុងនោះរថយន្តរបស់អគ្គស្នងការដ្ឋាននគរបាលជាតិចំនួន០៣គ្រឿង, ខេត្តតាកែវចំនួន១១គ្រឿង, ខេត្តកំពតចំនួន០២គ្រឿង (ស្រុកឈូក និងស្រុកអង្គរជ័យ), ខេត្តកំពង់ស្ពឺចំនួន០២គ្រឿង (ស្រុកគងពិសី និងស្រុកបសេដ្ឋ) និងខេត្តកណ្តាលចំនួន០១គ្រឿង (ស្រុកកណ្តាលស្ទឹង) ទើបគ្រប់គ្រងស្ថានការណ៍បានទាំងស្រុងនៅវេលាម៉ោង១៩និង៣០នាទី។ចំពោះមូលហេតុលោកអធិការបញ្ជាក់ថា គឺមកពីឆ្លងចរន្តអគ្គិសនីក្នុងរោងចក្រ។

សូមរំលឹកថា កាលពីថ្ងៃទី២១ ខែមករា ឆ្នាំ២០២២ វេលាម៉ោង១១និង៤០នាទីមានករណីអគ្គីភ័យឆាបឆេះរោងចក្រដេរអាវពោងសម្រាប់ដេរហែលទឹកនិងដេរកាបូប សិ្ថតនៅតាមដងផ្លូវជាតិលេខ៣ ចន្លោះគីឡូម៉ែត្រលេខ៦៦-៦៧ ក្នុងភូមិស្រង៉ែ ឃុំឧត្តមសុរិយា ស្រុកត្រាំកក់ ខេត្តតាកែវ បណ្តាលឲ្យខាតបង់សម្ភារៈអស់មួយចំនួនធំ និងអគាររោងចក្រមួយខ្នងផងដែរ៕

អត្ថបទ៖ វីរៈ