សន្តិសុខសង្គម

យុទ្ធភណ្ឌមិនទាន់ផ្ទុះនៅសល់តាំងពីជំនាន់សង្គ្រាម១៨គ្រាប់ ត្រូវប្រជាពលរដ្ឋភ្ជួរស្រែប្រទះឃើញ រាយការណ៍ឲ្យសមត្ថកិច្ចយកទៅកម្ទេចចោល

បានផុស

៣ years មុន

នៅ

ថ្ងៃពុធ ២៦ មករា ២០២២

ដោយ

បន្ទាយមានជ័យ ៖ នៅវេលាម៉ោង១១ ព្រឹក ថ្ងៃទី ២៥ ខែមករា ឆ្នាំ ២០២២ គ្រាប់យុទ្ធភណ្ឌមិនទាន់ផ្ទុះនៅសល់តាំងពីជំនាន់សង្គ្រាម១៨គ្រាប់ត្រូវប្រជាពលរដ្ឋភ្ជួរស្រែប្រទះឃើញ រាយការណ៍ឲ្យសមត្ថកិច្ច នៅចំណុច ភូមិតាដួល ឃុំផ្គាំ ស្រុកស្វាយចេក ខេត្តបន្ទាយមានជ័យ នៅខាងកើតភូមិចម្ងាយ១,០០០ម៉ែត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក ជា ស្លូញ អធិការនគរបាល ស្រុកស្វាយចេក បានប្រាប់អ្នកយកព័ត៌មានឲ្យដឹងថា ប្រជាពលរដ្ឋជាម្ចាស់ស្រែដែលប្រទះឃើញគ្រាប់យុទ្ធភណ្ឌមិនទាន់ផ្ទុះនៅសល់តាំងពីជំនាន់សង្គ្រាម១៨គ្រាប់នោះមានឈ្មោះ សុំាង ចាយ ភេទប្រុស អាយុ៣៥ឆ្នាំ រស់នៅភូមិតាដួល ឃុំផ្គាំ ស្រុកស្វាយចេក ខេត្តបន្ទាយមានជ័យ។

លោកអធិការបានបញ្ជាក់ឲ្យដឹងបន្តទៀតថា តាមការបំភ្លឺពីប្រជាពលរដ្ឋជាម្ចាស់ស្រែបានឲ្យដឹងថា ស្រែដែលបានភ្ជួរស្រែនោះ គាត់ធ្វើជារៀងរាល់ឆ្នាំ ប៉ុន្តែឆ្នាំនេះដោយមានបំណងចង់ពង្រីកដីស្រែគាត់ក៏បានយកត្រាក់ទ័រមកភ្ជួរវៀលដីដំបូកក្នុងស្រែមានដីកាន់តែធំ ក៏ប្រទះឃើញគ្រាប់ទាំងនោះ រួចបានរាយការណ៍ទៅនគរបាលប៉ុស្តិ៍ឃុំផ្គាំតែម្តង។

លោកបានបញ្ជាក់ឲ្យដឹងបន្តទៀតថា គ្រាប់យុទ្ធភណ្ឌទាំងនោះមាន១/ប្រភេទដេកា៨២ចំនួន១៥គ្រាប់២/ប្រភេទមីន៦៩ចំនួន១គ្រាប់៣ប្រភទ៦០មមចំនួន២គ្រាប់។ បន្ទាប់នគរបាលប៉ុស្តិ៍ក៏បានផ្តល់ព័ត៌មានទៅក្រុមស៊ីម៉ាកដើម្បីពិនិត្យនិងយកទៅកម្ទេចចោលនៅពេលខាងមុខតែម្តង៕

ដោយ ៖ វ៉ាន់ ណាង