សន្តិសុខសង្គម

គ្រាប់ផ្លោង ទំហំ ១០៥ មិល្លីម៉ែត្រ ត្រូវប្រទះឃើញកប់ក្នុងដី នៅក្រុងបាត់ដំបង

បានផុស

៣ years មុន

នៅ

ថ្ងៃព្រហស្បតិ៍ ៣ កុម្ភៈ ២០២២

ដោយ

គ្រាប់កាំភ្លើងផ្លោងទំហំ ១០៥ មិល្លីម៉ែត្រ ត្រូវបានប្រគល់ទៅឲ្យមន្ត្រីស៊ីម៉ាក់ ដើម្បីយកទៅកម្ទេចចោល បន្ទាប់ពីក្រុមហ៊ុនបង្កប់ខ្សែកាបជីកប៉ះនៅក្នុងដី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រទះឃើញនេះ គឺនៅថ្ងៃទី ៣ ខែកុម្ភៈ ឆ្នាំ ២០២២ វេលាម៉ោង ១១ ថ្ងៃត្រង់ បន្ទាប់ពីផ្នែកសណ្តាប់ធ្នាប់សាធារណៈ នៃអធិការដ្ឋាននគរបាលក្រុងបាត់ដំបង បានចុះពិនិត្យគ្រាប់ ប្រភេទ UXO ចំនួន ១ គ្រាប់ នៅក្នុងក្រុមទី ៥ ភូមិរំចេក៤ សង្កាត់រតនៈ ក្រុងបាត់ដំបង ( នៅជាប់របងវត្តសង្កែ ) និងបាន ធ្វើការប្រគល់ជូន ក្រុមបច្ចេកទេស ( ស៊ីម៉ាក់ ) ដើម្បីយកទៅរក្សាទុក។

គួរបញ្ជាក់ថា គ្រាប់នេះបានប្រទះឃើញដោយក្រុមកម្មករ ជីកដីបង្កប់ខ្សែកាប។ បន្ទាប់ពីក្រុមស៊ីម៉ាក់ពិនិត្យទៅលើភិនភាគគ្រាប់ គឺបានអះអាងថា ជាប្រភេទគ្រាប់កាំភ្លើងផ្លោង ទំហំ ១០៥ mm ហើយបើទោះបីជាគ្រាប់មានសភាពច្រេះក៏ដោយ ក៏មិនអាចមើលស្រាលវាបានដែរ ៕

អត្ថបទ៖ សោ និយមរ័ត្ន