សន្តិសុខសង្គម

បើកត្រាក់ទ័រភ្ជួរដីប៉ះគ្រាប់មីនផ្ទុះរបួសតៃកុងម្នាក់

បានផុស

៣ years មុន

នៅ

ថ្ងៃព្រហស្បតិ៍ ៣ កុម្ភៈ ២០២២

ដោយ

បុរសម្នាក់បានរងរបួសធ្ងន់ខណៈកំពុងបើកត្រាក់ទ័រភ្ជួររាស់ដីចំការសុខៗស្រាប់តែប៉ះចំគ្រាប់មីនបណ្តាលឲ្យផ្ទុះរង្គើដី បង្ករការភ្ញាក់ផ្អើលពេញកន្លែងកើតហេតុ។ករណីនេះបានកើតមានឡើងនៅម៉ោង៩និង៣៦នាទីថ្ងៃទី៣ ខែកុម្ភៈ ឆ្នាំ២០២២ នៅចំនុចភូមិ១ ឃុំអូរត្រេះ ស្រុកស្ទឹងហាវ ខេត្តព្រះសីហនុ។សមត្ថកិច្ចមូលដ្ឋានបានឲ្យដឹងថា ត្រាក់ទ័រនេះបានភ្ជួរដីចំការ ហើយប៉ះត្រូវគ្រាប់មីនមិនទាន់ផ្ទុះ នេះជាយុទ្ធភណ្ឌបន្សល់ពីសម័យសង្គ្រាម។បន្ទាប់ពីកើតហេតុភ្លាមជនរងគ្រោះត្រូវបានក្រុមប្រជាពលរដ្ឋនាំគ្នាលើកចេញពីកន្លែងកើតហេតុ ហើយបញ្ជូនទៅសង្គ្រោះបន្ទាន់នៅក្លីនិកសេតេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ជនរងគ្រោះមាន ឈ្មោះគឹម ហ៊ីម ភេទប្រុសអាយុ៣៤ឆ្នាំស្នាក់នៅកន្លែងកើតហេតុ មានមុខរបរស៊ីឈ្នួលបើកបរត្រាក់ទ័រ មានស្រុកកំណើតស្រុកកោះសូទិន ខេត្តកំពង់ចាម។នៅកន្លែងកើតហេតុគេបានឃើញត្រាក់ទ័រ ឆេះខូចផ្នែកខាងមុខធ្ងន់ធ្ងរ៕

អត្ថបទ៖ ស៊ុយ ចាន់ធា