សន្តិសុខសង្គម
យុវជនម្នាក់ស្លាប់ ករណីសងសឹងគំនុំចាស់ សមត្ថកិច្ចឃាត់ខ្លួនបាន ៣ នាក់ ក្នុងចំណោមបក្ខពួក ៩ នាក់
ករណីអំពើហិង្សាមួយ បានកើតឡើងបណ្តាលឲ្យជនរងគ្រោះម្នាក់ស្លាប់ ក្នុងស្រុកសំពៅលូន កាលពីថ្ងៃទី៤ ខែកុម្ភៈ បង្កដោយក្រុមស្ទាវដែលបានធ្វើសកម្មភាពមានគ្នា ៩ នាក់ ហើយជិះម៉ូតូគេចខ្លួនបាត់ស្រមោល ពេលនេះសមត្ថកិច្ចតាមស្រាវជ្រាវក្របួចបាន ៣ នាក់ហើយ។
លោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទណ្ឌនៃស្នងការខេត្ត បានឲ្យដឹងថា ក្រោយពីកម្លាំងជំនាញរួមជាមួយកម្លាំងនគរបាលនៃអធិការដ្ឋាននគរបាលស្រុកសំពៅលូន ដែលមានលោកវរៈសេនីយ៍ទោ ទឹម វិឆ័យ ជាអធិការនគរបាលស្រុក បើកការស្រាវជ្រាវករណីហិង្សាដោយចេតនា បណ្តាលឱ្យស្លាប់ជនរងគ្រោះ សង្ស័យជាក្រុមជនសង្ស័យចំនួន ៣ នាក់ត្រូវបានឃាត់ខ្លួននាំមកធ្វើការសាកសួរ។
ប្រភពខាងលើបន្តថា ជនជាប់ពាក់ព័ន្ធទាំង៣នាក់រួមមាន ១.ឈ្មោះ យ៉ាង សុខចាន់នី ហៅអ៊ុក ភេទប្រុស អាយុ ២១ ឆ្នាំ, ២. ឈ្មោះ ហ៊ាន វ៉ើយហុង ភេទប្រុស អាយុ ២២ ឆ្នាំ និង ៣. ឈ្មោះ អឿន ភារម្យ ភេទប្រុស អាយុ ២២ ឆ្នាំ។ អ្នកទាំង ៣ នាក់ មានទីលំនៅភូមិតាស្ដា ឃុំតាស្ដា ស្រុកសំពៅលូន ខេត្តបាត់ដំបង។
ប្រភពដដែលបន្តថា មូលហេតុដែលឈានដល់ការឃាត់ខ្លួនជនសង្ស័យទាំង ៣ នាក់ ខាងលើនេះ គឺកាលពីថ្ងៃទី ៤ ខែកុម្ភៈ ឆ្នាំ ២០២២ វេលាម៉ោង ២៣ និង ៣០ នាទី នៅចំណុចលើផ្លូវជាតិលេខ ៥៩ ស្ថិតក្នុងក្រុមទី ០៤ ភូមិតាស្តា ឃុំតាស្តា ស្រុកសំពៅលូន ខេត្តបាត់ដំបង មានករណីហិង្សាដោយចេតនាមានស្ថានទម្ងន់ទោស បណ្ដាលឱ្យជនរងគ្រោះស្លាប់ ដែលករណីនេះបង្កដោយក្រុមជនសង្ស័យមួយក្រុមមានគ្នា ៩ នាក់ បានធ្វើសកម្មភាពចាំស្ទាក់អមសងខាងផ្លូវជាតិ ដែលស្ងាត់ដាច់ស្រយាលពីទីប្រជុំជន ដោយយកដុំថ្មផងពូថៅផង និងកាំបិតផ្គាក់ផង គប់និងកាប់ទៅលើជនរងគ្រោះឈ្មោះ ឡាញ់ ស៊ីណាត ភេទប្រុស អាយុ ១៨ ឆ្នាំ មានទីលំនៅភូមិចក្រី ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង ក្នុងខណៈដែលជនរងគ្រោះកំពុងជិះម៉ូតូ តាមផ្លូវបណ្ដាលឱ្យរងរបួសត្រង់កនិងចំហៀងខាងស្តាំ(របួសធ្ងន់ធ្ងរ) និងបានស្លាប់បាត់បង់ជីវិតពេលបញ្ជូនទៅសង្គ្រោះនៅមន្ទីរពេទ្យ ដោយមូលហេតុដោះស្រាយគំនុំចាស់។
លោកវរសេនីយ៍ទោ ទឹម វិឆ័យ អធិការនគរបាលស្រុកសំពៅលូនបានបញ្ជាក់ថា នៅចំណុចកើតហេតុក្រុមជនសង្ស័យបានជ្រើសរើសយកចំណុចស្ងាត់ និងស្ថិតនៅឆ្ងាយពីទីប្រជុំជនស្របពេលវេលាយប់ជ្រៅផង ដែលជាហេតុធ្វើឱ្យកម្លាំងនគរបាលរបស់លោកចេញអន្តរាគមន៍មិនបានទាន់ជាហេតុធ្វើឱ្យក្រុមជនសង្ស័យធ្វើសកម្មភាពរួចភ្លាមៗនោះបាននាំគ្នាគេចខ្លួនបាត់ពីកន្លែងកើតហេតុតែម្តង។
នៅពេលនេះ មុខសញ្ញាជាជនសង្ស័យទាំងបីនាក់ខាងលើសមត្ថកិច្ចកំពុងរៀបចំសំណុំរឿងបញ្ជូនទៅសាលាដំបូងខេត្តបាត់ដំបងចាត់ការតាមនីតិវិធី ហើយសមត្ថកិច្ចជំនាញកំពុងបន្តស្រាវជ្រាវរកបក្ខពួកបន្តទៀត ដើម្បីយកមកផ្តន្ទាទោសតាមច្បាប់៕
អត្ថបទ៖ សៅ សារិទ្ធ
កម្ពុជានឹងផ្សព្វផ្សាយអាកាសយានដ្ឋានអន្តរជាតិតេជោ ក្នុងពិព័ណ៌ទេសចរណ៍អន្តរជាតិនៅអឺរ៉ុប
អាមេរិកគ្រោងស្នើច្បាប់រឹតត្បឹតការវិនិយោគអាមេរិកនៅចិនឡើងវិញ
Kodai និង Taiga ជាកម្លាំងគួរឲ្យចាប់អារម្មណ៍របស់ អង្គរថាយហ្គឺរ
ក្រសួងអប់រំ ណែនាំផ្សព្វផ្សាយឱ្យបានច្រើនពីអត្ថន័យថ្ងៃ១៤ កុម្ភៈ ដល់សិស្ស ចៀសវាងយល់ច្រឡំធ្វើខុសវប្បធម៌ខ្មែរ
លោក Casey Barnett៖ តើផលិតកម្មបន្ទះសូឡារបស់កម្ពុជានឹងដួលរលំមែនទេ? តើរដ្ឋាភិបាលត្រូវចាត់វិធានការបែបណាដើម្បីបញ្ជៀសហានិភ័យនេះ?
ត្រាំ ទារឲ្យអ៊ុយក្រែន សងប្រាក់ ៥០០ពាន់លានដុល្លារ មកវិញ
មនុស្ស៥៥នាក់ស្លាប់ក្នុងហេតុការណ៍រថយន្តក្រុងធ្លាក់ចូលជ្រោះនៅហ្គាតេម៉ាឡា
ស្លាប់៤នាក់ និងបាត់ខ្លួន៣នាក់ក្នុងហេតុការណ៍ក្រឡាប់ទូកដោយសារខ្យល់ខ្លាំងនិងរលកធំៗនៅឥណ្ឌូណេស៊ី
លោក ដូណាល់ ត្រាំ គំរាមកាត់ជំនួយអេហ្ស៊ីប និងហ្ស៊កដានី បើពួកគេមិនព្រមទទួលយកជនជាតិប៉ាឡេស្ទីន
Breaking News៖ អគ្គិភ័យកំពុងឆេះស្ថានីយប្រេងឥន្ធនៈ នៅខេត្តព្រះសីហនុ(មានវីដេអូ)
-
សន្តិសុខសង្គម២ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៥ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៤ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៧ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ជីវិតកម្សាន្ដ៥ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
ជីវិតកម្សាន្ដ២ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ព័ត៌មានជាតិ២ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ចរាចរណ៍២ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត