សន្តិសុខសង្គម

ប្រពន្ធរួមគំនិតជាមួយប្រុសកំណាន់ដាក់ថ្នាំក្នុងកែវស្រាប្ដីយកទៅសម្លាប់

បានផុស

៣ years មុន

នៅ

ថ្ងៃចន្ទ ៧ កុម្ភៈ ២០២២

ដោយ

ជនសង្ស័យប្រុសស្រីពីរនាក់ត្រូវបានកម្លាំងនគរបាលស្រាវជ្រាវឃាត់ខ្លួន និងកសាងសំណុំរឿងចាត់ការតាមផ្លូវច្បាប់ បន្ទាប់ពីរួមគំនិតគ្នាដាក់ថ្នាំស្មៅក្នុងកែវស្រាជនរងគ្រោះ ហើយយកទៅវាយសម្លាប់កណ្ដាលព្រៃកាលពីថ្ងៃទី២០ ខែមករា កន្លងទៅ។

ការឃាត់ខ្លួននេះ បានធ្វើឡើងកាលពីថ្ងៃទី៦ ខែកុម្ភៈ ឆ្នាំ២០២២ ចំណុចភូមិអូរកន្ធៀងវ៉ា ឃុំស្ទឹងត្រង់ស្រុកសាលាក្រៅ ខេត្តប៉ៃលិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ជនសង្ស័យទាំងពីរនាក់មានឈ្មោះ ឈឹម ឈន ភេទស្រី អាយុ៤២ឆ្នាំ (ជាប្រពន្ធជនរងគ្រោះ) និងទី២ឈ្មោះ ខៀវ បញ្ញា (ហៅក្អាត់) ភេទប្រុសអាយុ៣១ឆ្នាំ(ជាប្រុសកំណាន់)។

យោងតាមសមត្ថកិច្ចបានបញ្ជាក់ថា កាលពីថ្ងៃទី២០ ខែមករា ឆ្នាំ២០២២ ជនសង្ស័យជាប្រុសកំណាន់របស់ប្រពន្ធជនរងគ្រោះ បានបបួលជនរងគ្រោះផឹកស្រា ស រហូតដល់ជនរងគ្រោះស្រវឹង ហើយបានលួចដាក់ថ្នាំបាញ់ស្មៅចូលក្នុងកែវស្រាជនរងគ្រោះ ធ្វើឲ្យជនរងគ្រោះសន្លប់បាត់បង់ស្មារតី ក៏លីជនរងគ្រោះទៅក្នុងចម្ការដំឡូង រួចយកដំបងវាយថែមធ្វើឲ្យជនរងគ្រោះស្លាប់បាត់បង់ ជីវិតតែម្ដង ។

រហូតដល់ថ្ងៃទី៦ ខែកុម្ភៈ ឆ្នាំ២០២២ នេះ ទើបកម្លាំងសមត្ថកិច្ចស្រាវជ្រាវបំបែកសំណុំរឿងឃាតកម្មនេះ ឈានដល់ការឃាត់ខ្លួនជនសង្ស័យទាំងពីរនាក់ ដើម្បីកសាងសំណុំរឿងចាត់ការបន្តតាមនីតិវិធីច្បាប់៕

អត្ថបទ៖ សុខុម

Related Topics:ករណីឃាតកម្ម