សន្តិសុខសង្គម

បុរសវ័យ ២៧ ឆ្នាំ ប៉ុនប៉ងរំលោភស្ត្រីអាយុ ៥១ ឆ្នាំតែមិនបានសម្រេច

បានផុស

៣ years មុន

នៅ

ថ្ងៃពុធ ៩ កុម្ភៈ ២០២២

ដោយ

ជនសង្ស័យម្នាក់ ប៉ុនប៉ងរំលោភសេពសន្ថវៈ ត្រូវសមត្ថកិច្ចឃាត់ខ្លួនបញ្ជូនទៅតុលាការ កាលពីថ្ងៃ ០៨ ខែកុម្ភៈ បន្ទាប់ពីក្រុមគ្រួសារជនរងគ្រោះមកប្តឹង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អធិការនគរបាលស្រុកទឹកផុសលោកវរសេនីយ៍ឯក ខែម វិបុល បានឲ្យដឹងនៅល្ងាចថ្ងៃទី ០៨ ខែកុម្ភៈនេះថា ជនសង្ស័យដែលសមត្ថកិច្ចឃាត់ខ្លួនខាងលើនេះ មានឈ្មោះ ហ៊ុន ផាន ភេទប្រុស អាយុ ២៧ ឆ្នាំ រស់នៅក្នុងភូមិរមាស ឃុំតាំងក្រសាំង ស្រុកទឹកផុស ខេត្តកំពង់ឆ្នាំង ពីបទប៉ុនប៉ងរំលោភ ដែលប្រព្រឹត្តកាលពីវេលាម៉ោង ៤ និង ៣០ នាទីទៀបភ្លឺ ឈានចូលថ្ងៃទី ៨ ខែកុម្ភៈ ឆ្នាំ ២០២២ នៅលើផ្ទះស្រី្តរងគ្រោះ អាយុ ៥១ ឆ្នាំ រស់នៅភូមិ ឃុំ ស្រុក ជាមួយគ្នា។

អធិការនគរបាលស្រុកទឹកផុសបានឲ្យដឹងទៀតថា ជនសង្ស័យនិងក្រុមគ្រួសាររងគ្រោះត្រូវជាបងប្អូនធ្លាប់ឡើងចុះធម្មតា។ តែថ្ងៃនេះហាក់ស្ងាត់ឱកាសល្អ បានចាប់ស្រីរងគ្រោះរំលោភពេលប៉ុន្តែនាងបានរើបម្រាស់ ប្រតាយប្រតប់គ្នាហើយបានស្រែកឆោឡោខ្លាំងៗ និងហៅ ឈ្មោះ អៀង តុប ឲ្យជួយពេល នោះអៀង តុប បានទៅជួយទើបជនសង្ស័យឈ្មោះ ហ៊ុន ផាន បានបញ្ឈប់សកម្មភាពហើយចុះទៅផ្ទះបាត់ទៅ ។

ក្រោយកើតហេតុ គ្រួសារជនរងគ្រោះបានមកដាក់ពាក្យបណ្តឹងសមត្ថកិច្ចជំនាញចុះទៅបានធ្វើការឃាត់ខ្លួនជនសង្ស័យតាមបណ្តឹងជនរងគ្រោះភ្លាមៗ នៅព្រឹកថ្ងៃទី ០៨ ខែកុម្ភៈ ឆ្នាំ ២០២២ នេះ ហើយនាំយកមកអធិការដ្ឋាននគរបាលស្រុកទឹកផុស សួរចម្លើយរួចកសាងសំណុំរឿងបញ្ជូនបន្តទៅស្នងការនគរបាលខេត្តចាត់ការបន្តទៅសាលាដំបូងខេត្ត និងត្រូវតុលាការខេត្ត ធ្វើការឃុំខ្លួននៅថ្ងៃទី០៨ នេះហើយ៕

អត្ថបទ៖ ឈៀងថារិទ្ធ

Related Topics:រំលោភសេពសន្ថវៈ