សន្តិសុខសង្គម

ផ្ទុះភ្លើងប្រចណ្ឌប្រពន្ធជាមួយក្មួយប្រុស ទាញអង្រែបុកគ្រឿងវាយសម្លាប់ស្លាប់ភ្លាមៗ

បានផុស

៣ years មុន

នៅ

ថ្ងៃចន្ទ ១៤ កុម្ភៈ ២០២២

ដោយ

បុរសជាជនដៃដល់ម្នាក់ ត្រូវបានកម្លាំងនគរបាលស្រុកចិត្របុរី ចាប់ឃាត់ខ្លួនភ្លាមៗ បន្ទាប់ពីវាយសម្លាប់ប្រពន្ធខ្លួនឯង និងវាយក្មួយប្រុសបណ្ដាលឲ្យរងរបួសធ្ងន់ដោយអង្រែបុកគ្រឿង ខណៈកំពុងអង្គុយផឹកស៊ីជាមួយគ្នា ហើយកើតជាភ្លើងប្រចណ្ឌ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីវាយកម្លាប់ដោយភ្លើងប្រចណ្ឌនេះ បានកើតឡើងកាលពីថ្ងៃទី១២ ខែកុម្ភះ ឆ្នាំ២០២២ នៅភូមិជួរក្រួច ឃុំថ្មអណ្តើក ស្រុកចិត្របុរី ខេត្តក្រចេះ។

សមត្ថកិច្ចបានឲ្យដឹងថា ជនដៃដល់មានឈ្មោះ មល់ មិន ភេទប្រុស អាយុ៥៧ឆ្នាំ(ត្រូវជាប្ដីជនរងគ្រោះ) រស់នៅភូមិឃុំ កើតហេតុខាងលើ។

តាមរបាយការណ៍បានបញ្ជាក់ថា នៅថ្ងៃកើតហេតុ ជនដៃដល់បានបបួលបុរសរងគ្រោះជាក្មួយ ផឹកស៊ីលើគ្រែក្បែរផ្ទះ ពេលនោះស្ត្រីជាប្រពន្ធបានមកផឹកជាមួយ ក៏កើតជាជម្លោះ ដោយសារបុរសដៃដល់ជាប្តីប្រចណ្ឌស្ត្រីរងគ្រោះជាប្រពន្ធជាមួយនឹងក្មួយប្រុសរបស់ខ្លួន។ បន្តិចក្រោយមកជនដៃដល់បានយកអង្រែបុកគ្រឿង វាយសំពងមកលើជនរងគ្រោះជាក្មួយ ត្រូវចំក្បាលសន្លប់បាត់ស្មារតី និងវាយលើស្ត្រីជាប្រពន្ធបណ្តាលអោយស្លាប់នៅកន្លែងតែម្ដង។

សមត្ថកិច្ចបានបញ្ជាក់ថា ក្រោយពីកើតហេតុ ជនដៃដល់ត្រូវបានកម្លាំងនគរបាលធ្វើការចាប់ខ្លួនបានភ្លាមៗ បញ្ជូនមកអធិការនគរបាលស្រុក ដើម្បីកសាងសំណុំរឿងបញ្ជូនទៅតុលាការផ្ដន្ទាទោសតាមផ្លូវច្បាប់៕

អត្ថបទ៖ សុខុម