សន្តិសុខសង្គម

បង្ក្រាបទីតាំងបង្កប់ល្បែងស៊ីសងខុសច្បាប់តាមប្រព័ន្ធOnline ២ទីតាំង ឃាត់ខ្លួនមនុស្ស១៧នាក់

បានផុស

៣ years មុន

នៅ

ថ្ងៃចន្ទ ២១ កុម្ភៈ ២០២២

ដោយ

អាជ្ញាធរខណ្ឌដូនពេញបានឲ្យដឹងថា ដោយមានការរាយការណ៍ពីប្រជាពលរដ្ឋក្នុងមូលដ្ឋានខណ្ឌអំពីកាលួចបើកល្បែកស៊ីសងខុសច្បាប់ក្នុងមូលដ្ឋានខណ្ឌ នៅល្ងាចថ្ងៃអាទិត្យ ទី២០ ខែកុម្ភៈ ឆ្នាំ២០២២ លោក សុខ ពេញវុធ អភិបាល នៃគណៈអភិបាលខណ្ឌដូនពេញ បានចាត់អោយលោក នី សាមិត្ត ប្រធានការិយាល័យសាធារណៈ និងសណ្តាប់ធ្នាប់ខណ្ឌ ដឹកនាំកម្លាំងចម្រុះ ចុះបង្ក្រាបល្បែងស៊ីសងសុខច្បាប់ តាមប្រព័ន្ធអ៊ីនធឺណិតបានចំនួន០២ទីតាំង។ ទីតាំងទី១ ផ្ទះលេខ៦៣ ផ្លូវលេខ៥៣ និងទីតាំងទី២ ផ្ទះលេខ៦៩ ផ្លូវលេខ៥៣ ជាលទ្ធផលពិនិត្យឃើញថា ទីតាំងខាងលើនេះពិតជាបានបើកល្បែកស៊ីសងខុសច្បាប់ តាមប្រព័ន្ធOnline ដូចសេចក្ដីរាយការណ៍ប្រាកដមែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមការងារសម្រេច ធ្វើការដកហូតសម្ភារៈ រួមមានកុំព្យូទ័រ ទូរទស្សន៍ និងសម្ភារៈមួយចំនួនទៀតដែល បម្រើអោយការប្រព្រឹត្តល្បែងស៊ីសង យកទៅរក្សាទុក នៅរដ្ឋបាលខណ្ឌដូនពេញ ចំពោះមនុស្សចំនួន១៧នាក់ បញ្ជូនទៅប៉ុស្តិ៍នគរបាល ផ្សារថ្មីទី១ ដើម្បីអនុវត្តតាមផ្លូវច្បាប់៕

អត្ថបទ៖ រស្មី