សន្តិសុខសង្គម

រួមភេទជាមួយអនីតិជនរួច គេចខ្លួនបាន ៥ ខែ ទីបំផុតត្រូវសមត្ថកិច្ចក្របួចជាប់

បានផុស

៣ years មុន

នៅ

ថ្ងៃចន្ទ ២១ កុម្ភៈ ២០២២

ដោយ

បុរសម្នាក់ ដែលពាក់ព័ន្ធ និងករណីរួមភេទជាមួយក្មេងស្រីអាយុក្រោម ១៥ ឆ្នាំ ត្រូវសមត្ថកិច្ចតាមស្រាវជ្រាវ និងឈានដល់ការឃាត់ខ្លួន ក្រោយពីជនសង្ស័យរូបនេះ បានគេចខ្លួនអស់រយៈពេលជិត ៥ ខែ រួចមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ៧ ខែតុលា ឆ្នាំ២០២១ វេលាម៉ោង ១០ យប់ កម្លាំងអធិការដ្ឋាននគរបាលស្រុករតនមណ្ឌល បានទទួលពាក្យបណ្តឹងពីឈ្មោះ ថា សុថាន ភេទស្រី អាយុ ៤១ ឆ្នាំ ជាសមាជិកក្រុមប្រឹក្សាឃុំស្ដៅ ជាតំណាងជនរងគ្រោះឈ្មោះ ព ច ធ ភេទស្រី អាយុ ១៣ ឆ្នាំ មានទីលំនៅភូមិស្ដៅ ឃុំស្ដៅ ស្រុករតមណ្ឌល ត្រូវបុរសម្នាក់ចាប់រំលោភសេពសន្ថវៈនៅចំណុចក្រុមទី ២៩ ស្ថិតក្នុងភូមិស្ដៅ ឃុំស្ដៅ ស្រុករតនមណ្ឌល ខេត្តបាត់ដំបង រួចគេចខ្លួនបាត់។

ដោយកាលពីថ្ងៃទី ១៩ ខែកុម្ភៈ ឆ្នាំ ២០២២ ដោយអនុវត្តតាមការដឹកនាំរបស់លោកឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេខេត្ត និងដោយមានការសម្របសម្រួលនីតិវិធីពីឯកឧត្តម កែវ សុជាតិ ព្រះរាជអាជ្ញានៃអយ្យការអមសាលាដំបូងខេត្តបាត់ដំបងរួចមក លោកវរសេនីយ៍ឯក សន និល អធិការនគរបាល ស្រុករតនមណ្ឌល បានធ្វើការស្រាវជ្រាវ និងឃាត់ខ្លួនមុខសញ្ញាជាជនសង្ស័យឈ្មោះ លៀង ចន្ថា ភេទប្រុស អាយុ ៣០ ឆ្នាំ រស់នៅភូមិស្ដៅ ឃុំស្ដៅ ស្រុករតនមណ្ឌល ខេត្តបាត់ដំបង ពាក់ព័ន្ធករណីរំលោភសេពសន្ថវៈលើអនីតិជន។

នៅចំពោះមុខសមត្ថកិច្ច ជនសង្ស័យបានសារភាពថា ខ្លួនពិតជាបានរួមភេទជាមួយជនរងគ្រោះពិតប្រាកដមែន ដោយបានសម្រេចមួយលើកតែប៉ុណ្ណោះ។ បច្ចុប្បន្នជនសង្ស័យត្រូវបានកម្លាំងជំនាញបញ្ជូនទៅកាន់ស្នងការដ្ឋាននគរបាលខេត្តហើយ ដើម្បីចាត់វិធានការតាមផ្លូវច្បាប់៕

អត្ថបទ៖ សោ និយមរ័ត្ន