សន្តិសុខសង្គម

ឈ្លោះជាមួយស្រីស្នេហ៍ យុវជនម្នាក់ ទៅលោតទឹកសម្លាប់ខ្លួន

បានផុស

៣ years មុន

នៅ

ថ្ងៃពុធ ២៣ កុម្ភៈ ២០២២

ដោយ

យុវជនអាយុ ១៩ ឆ្នាំម្នាក់ សម្រេចចិត្តលោតទឹកស្ពានជ្រោយចង្វាសម្លាប់ខ្លួន ព្រោះដ្បិតមានទំនាស់ជាមួយស្រីស្នេហ៍។ ហេតុការណ៍នេះ បានកើតឡើងកាលពីវេលាម៉ោងប្រមាណ ១ និង ១៥ នាទី រសៀលថ្ងៃទី ២៣ ខែកុម្ភៈ ឆ្នាំ ២០២២ នៅចំណុចកណ្តាលស្ពានជ្រោយចង្វា ក្នុងសង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសដែលគិតខ្លី ប្រាប់ឲ្យដឹងថា ខ្លួនឈ្មោះ សួន សាន អាយុ ១៩ ឆ្នាំ មានលំនៅស្នាក់នៅជាមួយ ស្រីស្នេហ៍ នៅម្តុំទួលសង្កែ សង្កាត់ទួលសង្កែទី១ ខណ្ឌឬស្សីកែវ និងមានស្រុកកំណើតនៅស្រុកស្វាយជ្រុំ ខេត្តស្វាយរៀង។

ដោយនៅមុនពេលកើតហេតុ គេឃើញបុរសរូបនោះធ្វើដំណើរដោយថ្មើរជើងឡើងស្ពានជ្រោយចង្វាក្នុងទិសដៅពីលិចទៅកើត។ នៅពេលធ្វើដំណើរ ដល់កណ្តាលស្ពានជ្រោយចង្វា ក៏បានលោតទឹកទម្លាក់ទៅក្នុងទន្លេសម្លាប់ខ្លួនតែម្តង។ ខណៈនោះប្រជានេសាទដែលនៅក្រោមស្ពានជ្រោយចង្វា ក៏បានចេញទូកទៅជួយស្រង់សង្គ្រោះទាន់ រួចបញ្ជូនទៅកាន់គល់ស្ពានជ្រោយចង្វាខាងលិចរួចក៏បញ្ជូនទៅកាន់គល់ស្ពានខាងកើតវិញ។

តាមបុរសរូបនោះបានឲ្យដឹងថា មូលហេតុ ដែលគិតខ្លី ដោយសារតែមានទំនាស់គ្នាជាមួយស្រីស្នេហ៍។ បន្ទាប់ពីឃាត់សួរនាំ នគរបាលក៏បានអប់រំកុំឲ្យគិតខ្លី រួចក៏បានហៅម៉ូតូកង់បីជិះត្រឡប់ទៅផ្ទះវិញ៕

អត្ថបទ៖ រស្មី

Related Topics:សម្លាប់ខ្លួន