សន្តិសុខសង្គម

ទំនងបើកបរទាំងងងុយ ក្រឡាប់បុករបាំងទ្រូងផ្លូវខ្ទេចខ្ទី និងចាក់ស្វាយពេញផ្លូវ

បានផុស

៣ years មុន

នៅ

ថ្ងៃសុក្រ ២៥ កុម្ភៈ ២០២២

ដោយ

បាត់ដំបង ៖ របាំងទ្រូងផ្លូវជាច្រើនផ្ទាំង ត្រូវបានបាក់ខ្ទេចខ្ទី និងបង្កឲ្យមានមនុស្សម្នាក់រងរបួស ខណៈដែលមានរថយន្តដឹកផ្លែស្វាយមួយគ្រឿង បើកបរក្នុងល្បឿនលឿន ហើយទំនងជាងងុយក៏បានក្រឡាប់តែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីនេះ បានកើតឡើងនាថ្ងៃទី២៥ ខែកុម្ភៈ ឆ្នាំ២០២២ វេលាម៉ោង៤ និង ៥០នាទី ទៀបភ្លឺ លើ កំណាត់ផ្លូវជាតិលេខ៥ ស្ថិតក្នុងភូមិប៉ោយយង់ ឃុំតាពូង ស្រុកថ្មគោល ខេត្តបាត់ដំបង បង្កដោយរថយន្តដឹកទំនិញធុនធ្ងន់មួយគ្រឿងម៉ាក ហ៊ីយ៉ាន់ដាយ ព៌ណស ពាក់ស្លាកលេខ ពោធិ៍សាត់ 3A-1659 បើកបរដោយឈ្មោះ ថោង សុភ័ណ្ឌ ភេទប្រុស អាយុ២៩ឆ្នាំ មានទីលំនៅភូមិស្វាយអាត់ សង្កាត់ស្វាយអាត់ ក្រុងពោធិ៍សាត់ ខេត្តពោធិ៍សាត់។

ហេតុការណ៍ខាងលើនេះ បានបង្កអោយខ្ទេចខ្ទី រនាំងដែកទ្រូងផ្លូវចំនួន៥ផ្ទាំង ដោយរថយន្តនេះបាន ធ្វើដំណើរក្នុងទិសដៅ ពីភ្នំពេញទៅព្រំដែនថៃ ក្នុងល្បឿនលឿន ដោយមានបំណងដឹកផ្លែស្វាយទៅឲ្យម៉ូតដែលរង់ចាំនៅព្រំដែនថៃ លុះពេលដល់ចំណុចកើតហេតុ ទំនងជាអ្នកបើកបរងងុយដេក ទើបធ្វើអោយរេចង្កូតទៅបុកខឿនទ្រូងផ្លូវនិងរនាំងដែក បណ្តាលអោយរថយន្តក្រឡាប់នៅលើទ្រូងផ្លូវតែម្តង។