កាប់ព្រៃ​ដំបូកស្រែ​ប្រទះ​ឃើញ​គ្រាប់មីន​ និង​គ្រាប់ផ្លោង​ រណូក​រណែល

ប្រជាពលរដ្ឋបានប្រទះឃើញគ្រាប់មីន និងគ្រាប់មិនទាន់ផ្ទុះចំនួន ៣ គ្រាប់ដេករណូករណែល នៅលើដីដំបូកក្នុងស្រែ ខណៈកំពុងកាប់ឆ្ការព្រៃនៅថ្ងៃទី ២៦ ខែកុម្ភៈ ហើយបានរាយការទៅសមត្ថកិច្ច។

លោក ចឹង ញន អាយុ ៥៥ ឆ្នាំ និងឈុំ ឈឿន អាយុ ៥៣ ឆ្នាំ រស់នៅភូមិព្រៃទទឹង ឃុំបាយដំរាំ ស្រុកបាណន់ ខេត្តបាត់ដំបង បានទៅកាប់ព្រៃដំបូកស្រែ ក៏បានប្រទះឃេីញគ្រាប់មីន និងគ្រាប់ផ្លោងចំនួន៣គ្រាប់ ដែលក្នុងនោះគឺ គ្រាប់ផ្លោងទំហំ ៦០ មីល្លីម៉ែត្រ ចំនួន ២ គ្រាប់និងគ្រាប់មីនកង្កែប ចំនួន ១គ្រាប់ ដែលគ្រាប់ទាំងនេះនៅមានគុណភាពអាចសម្លាប់មនុស្សបាន។

ក្រោយពីសមត្ថកិច្ចមូលដ្ឋានចុះពិនិត្យរួចមក ក៏បានប្រគល់ទៅអោយមន្ត្រីស៊ីម៉ាក់ប្រចាំតំបន់នោះ ដើម្បីយកទៅរក្សាទុក ធ្វើការកម្ទេចចោលទៅតាមជំនាញ៕

អត្ថបទៈ សោ និយមរ័ត្ន