សន្តិសុខសង្គម

ជីកដីចម្ការដាំបង្គោល ប្រទះឃើញមីន ៦៩ មួយគ្រាប់

បានផុស

៣ years មុន

នៅ

ថ្ងៃអង្គារ ១ មីនា ២០២២

ដោយ

ប្រជាកសិករម្នាក់ ភ័យស្ទើរព្រលឹងចុងសក់ ខណៈដែលទៅជីកដីក្នុងចម្ការរបស់ខ្លួន ដើម្បីដាំបង្គោល ក៏បានប្រទះឃើញគ្រាប់មីន។ ហេតុការណ៍នេះ បានកើតឡើងកាលពីថ្ងៃទី ២៨ ខែកុម្ភៈ ឆ្នាំ២ ០២២ វេលាម៉ោង ៨ និង ៣០ នាទីព្រឹក ត្រង់ចំណុចភូមិបុះខ្នុរ ឃុំចែងមានជ័យ ស្រុកបាណន់ ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាពលរដ្ឋឈ្មោះ ចក់ សាវុធ ភេទប្រុស អាយុ ៤៥ ឆ្នាំ ស្នាក់នៅធ្វើចម្ការភូមិឃុំខាងលើ បាននិយាយថា ដីចម្ការនេះ គឺលោកបានដាំដុះផលដំណាំជាយូរឆ្នាំមកហើយ ប៉ុន្តែមិនដែលជួបរឿងយ៉ាងដូច្នេះទេ ស្រាប់តែនៅព្រឹកនោះ លោកក៏បានទៅជីកដី ដើម្បីដាំបង្គោលក៏ស្រាប់តែប្រទះឃើញគ្រាប់មីន ១ គ្រាប់នៅក្នុងដី ដែលធ្វើឲ្យលោកមានការភិតភ័យយ៉ាងខ្លាំងស្ទុះចេញពីមុខរណ្ដៅ ហើយក៏បានរាយការណ៍ទៅសមត្ថកិច្ច។

ក្រោយពីបានចុះពិនិត្យ គឺសមត្ថកិច្ចបានអះអាងថា គ្រាប់មីននេះជាប្រភេទមីន ៦៩ ដែលនៅមានគុណភាពអាចសម្លាប់មនុស្ស ឬសត្វបាន។ រួចហើយទើបប៉ុស្តិ៍បានរាយការណ៍ជូនស៊ីម៉ាក់ ដើម្បីនាំយកទៅរក្សាទុក៕

អត្ថបទ៖ សោ និយមរ័ត្ន