សន្តិសុខសង្គម

ឆក់ខ្សែកបានហើយ រត់មិនរួចពីកម្លាំងសមត្ថកិច្ច

បានផុស

៣ years មុន

នៅ

ថ្ងៃអង្គារ ១ មីនា ២០២២

ដោយ

ភ្នំពេញ ៖ ជនសង្ស័យមានគ្នា២នាក់ជិះម៉ូតូ២គ្រឿង បានធ្វើសកម្មភាពឆក់ខ្សែកប្តីប្រពន្ធពីរនាក់បានសម្រេចព្យាយាមគេចខ្លួនត្រូវសមត្ថកិច្ចឃាត់ជាប់ម្នាក់ កាលពីវេលាម៉ោង៤រសៀល ថ្ងៃទី១ ខែមីនា ឆ្នាំ២០២២ នៅចំណុចមុខផ្សារចោមចៅ តាមបណ្តោយផ្លូវចោមចៅ ស្ថិតក្នុងភូមិព្ជ្រៃកោងសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនសង្ស័យ ឈ្មោះ សេង នា ភេទប្រុស អាយុ២២ឆ្នាំ មុខរបរកាត់សក់ នៅសង្កាត់មនោរម្យ ៧មករា។ ជនរងគ្រោះឈ្មោះឯម ទ្រព្យ ស្រី អាយុ២៦ឆ្នាំ លក់អនឡាញ នៅភូមិអូរចំបក់ ឃុំត្រាង ស្រុកកំរៀង ខេត្តបាត់ដំបង ។ប្តីឈ្មោះ ណុប ចំរើន ។

តាមសម្តីជនរងគ្រោះបានឲ្យដឹងថា មុនពេលកើតហេតុរូបគាត់ពីរនាក់ប្តីប្រពន្ធជិះម៉ូតូឌុបគ្នាធ្វើដំណើរតាមបណ្តោយផ្លូវចោមចៅ ក្នុងទិសដៅពីត្បូងទៅជើង ខណៈមកដល់ចំណុចកើតហេតុស្រាប់តែមានជនសង្ស័យពីរនាក់ ជិះម៉ូតូពីរគ្រឿងមួយគ្រឿងម៉ាកនិចមិនចាំស្លាកលេខមួយគ្រឿងទៀតម៉ាកaerax ពណ៌ខៀវ គ្មានស្លាកលេខមកពីក្រោយហើយធ្វើសកម្មភាពឆក់ខ្សែកបានសម្រេចរួចព្យាយាមគេចខ្លួន។

ជនរងគ្រោះបន្តថា ភ្លាមនោះរូបគាត់បានជិះម៉ូតូដេញតាមពីក្រោយរហូតដល់គោលដៅសមត្ថកិច្ចកំពុងអនុវត្តន៍ច្បាប់ចរាចរណ៍ដោយសារម៉ូតូអត់ស្លាកលេខ ទើបសមត្ថកិច្ចឃាត់បានតែម្តងចំណែកម្នាក់ទៀតយកខ្សែកគេចខ្លួនបាត់។