សន្តិសុខសង្គម

ជនជាតិថៃម្នាក់ លោតពីអគារកាស៊ីណូជាន់ទី ១១ បណ្ដាលឲ្យស្លាប់មួយរំពេច

បានផុស

៣ years មុន

នៅ

ថ្ងៃព្រហស្បតិ៍ ៣ មីនា ២០២២

ដោយ

យុវជនជាជនជាតិថៃម្នាក់ សតិអារម្មណ៍មិនល្អ បានលោតពីលើអគារកាស៊ីណូជាន់ទី ១១ បណ្តាលឲ្យស្លាប់មួយរំពេច។ នេះកើតឡើងនៅវេលាម៉ោង ៤ និង ៣០ នាទីទៀបភ្លឺ ថ្ងៃទី ៣ ខែមិនា ឆ្នាំ ២០២២ របស់ហ៊ុនកាស៊ីណូក្រោន ស្ថិតក្នុងភូមិក្បាលស្ពាន ១ សង្កាត់ក្បាលស្ពាន ១ ក្រុងប៉ោយប៉ែត ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្លាំងជំនាញព្រហ្មទណ្ឌ បានឲ្យដឹងថាជ នរងគ្រោះមានឈ្មោះ មេសា សយស៊ែង ភេទប្រុស អាយុ ១៩ ឆ្នាំ ជនជាតិថៃ មុខរបរជំនួយការទីផ្សាររបស់ក្រុមហ៊ុនក្រោន។ ប្រភពបានបន្តឲ្យដឹងថា តាមការសាកសួរពីមិត្តភក្ដិដេកនៅបន្ទប់ជាមួយឈ្មោះ ភីរ៉ាយ៉ុត វុទ្ធីឃុន ប៉ាវ ភេទប្រុស អាយុ ២៤ ឆ្នាំ ជនជាតិថៃ និង ឈ្មោះវ ង្ស សាវ៉ាន់ផយគង់ ភេទប្រុស អាយុ ២០ ឆ្នាំ ជនជាតិថៃ ធ្វើការជាមួយគ្នា រស់នៅខេត្តរឆៈបូរី ប្រទេសថៃ បានបំភ្លឺថា ជនរងគ្រោះនៅយប់កើតហេតុនោះ ជនរងគ្រោះមានអារម្មណ៍មិនស្រួល អង្គុយលេងទូរស័ព្ទតែម្នាក់ឯង ហៅមិននិយាយស្តី មានអាការៈមិនដឹងខ្លួន។ លុះនៅវេលាម៉ោង ៣ ជាងទៀបភ្លឺ ពួកគាត់ដេកលក់ ក្រោយពេលពួកគាត់ដេកលក់ គាត់អត់ដឹងជនរងគ្រោះនោះទៅណាទេ លុះព្រឹកឡើងបុគ្គលិកអគារស្នាក់នៅ បានទៅគោះទា្វរបន្ទប់ហើយសួរថា មានបាត់បងប្អូនអត់ ហើយឲ្យមើលរូបថតមើលរួចក៏យំតែម្តង។

កម្លាំងជំនាញព្រហ្មទណ្ឌ បានប្រាប់ឲ្យដឹងទៀតថា តាមការស្រាវជ្រាវឃើញថា សពឈ្មោះ មេសា សយសែង ភេទប្រុស អាយុ១៩ឆ្នាំ ពិតជាស្លាប់ដោយសារលោតពីលើអគារជាន់ទី ១១ ពិតប្រាកដមែន គ្មានពាក់ព័ន្ធនឹងករណីឃាតកម្មនោះទេ។ សពក្រោយពីកម្លាំងជំនាញធ្វើការពិនិត្យរួចបានយកទៅតម្កល់ទុកនៅវត្តបាលិលេយ្យ តាមបញ្ជាលោកព្រះរាជអាជ្ញាធររង លឹម ប៊ុនសុភក្រ ដើម្បីរង់ចាំក្រុមគ្រួសារមកទទួលយកទៅធ្វើបុណ្យ តាមប្រពៃណីនៅស្រុកកំណើតនៅប្រទេសថៃ តែម្តង៕

អត្ថបទ៖ វ៉ាន់ ណាង

Related Topics:សម្លាប់ខ្លួន