សន្តិសុខសង្គម

អគ្គិភ័យលេបត្របាក់ឃ្លាំងស្តុកអាចម៍រណាដ៏ធំមួយ រួមជាមួយទ្រព្យសម្បត្តិអស់ប្រមាណខ្ទង់ពាន់ដុល្លារ

បានផុស

៣ years មុន

នៅ

ថ្ងៃអង្គារ ១៥ មីនា ២០២២

ដោយ

បាត់ដំបង ៖ ឃ្លាំងស្តុកអាចម៍រណាដ៏ធំមួយកន្លែង សម្រាប់កែច្នៃផលិតជាធ្យូងសិប្បនិម្មិត ត្រូវបានអណ្តាតភ្លើងឆាបឆេះគ្មានសល់ រួមជាមួយនឹងទ្រព្យសម្បត្តិមួយចំនួនផ្សេងទៀត ដោយសមត្ថកិច្ចកំពុងស្រាវជ្រាវរកមូលហេតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើង នាថ្ងៃទី ១៥ ខែមីនា ឆ្នាំ២០២២ នៅវេលាម៉ោង ១ រសៀល ស្ថិតនៅចំណុចក្រុមទី៩ ភូមិចំការសំរោង២ សង្កាត់ចំការសំរោង ក្រុងបាត់ដំបង ខេត្តបាត់ដំបង ។

ឃ្លាំងស្តុបអាចម៍រណា ១ខ្នង ដែលត្រូវភ្លើងឆេះនេះ មាន ទំហំ ២០មx៣៥ម ធ្វើពីដែក ជញ្ជាំងថ្ម ដំបូលប្រក់ស័ង្កសី របស់ម្ចាស់ឈ្មោះ ពឹង រតនា ភេទប្រុស អាយុ ៣៥ឆ្នាំ រស់នៅក្នុងភូមិ ឃុំកើតហេតុខាងលើ។

សម្ភារៈខូចខាតរួមមាន ឆេះឃ្លាំង ១ខ្នង ឆេះអាចម៍រណា ដែលជាវត្ថុធាតុដើម សម្រាប់ផលិតធ្យូងសិប្បនិម្មិត ឆេះគ្រឿងចម្លាក់ឈើ មួយចំនួនសរុបការខូចខាតអស់ប្រហែល ៤.០០០ ដុល្លារ។

រាល់បញ្ហាខាងលើសមត្ថកិច្ចកំពុងស្រាវជ្រាវរកមូលហេតុ ដោយភ្លាមៗនោះដែរ កម្លាំងជំនាញបានចេញរថយន្តពន្លត់អគ្គិភ័យចំនួន ៣គ្រឿង ដើម្បីអន្តរាគមន៍មិនឲ្យរាលដាលទៅផ្ទះប្រជាពលរដ្ឋដែលនៅជិតខាង៕

អត្ថបទ ៖ សោ និយមរ័ត្ន