សន្តិសុខសង្គម

សមត្ថកិច្ចចូលរួមវគ្គបណ្ដុះបណ្ដាលស៊ើបអង្កេតសំអាងនៃបទល្មើស និងបទល្មើសសម្អាតប្រាក់

បានផុស

៣ years មុន

នៅ

ថ្ងៃសៅរ៍ ១៩ មីនា ២០២២

ដោយ

លោកវរសេនីយ៍ឯក សេន សុភាព អនុប្រធានក្រុមប្រតិបត្តិការផ្ទាល់ នៃក្រុមការងារ បសប.ហភ នៅព្រឹកថ្ងៃសុក្រ ទី ១៨ ខែមីនា ២០២២ បានចូលរួមធ្វើបទឧទ្ទេសលើវគ្គបណ្តុះបណ្តាលផ្សព្វផ្សាយអំពីការអនុវត្ដនីតិវិធីប្រតិបត្ដិស្ដង់ដារ (SOP) សម្រាប់ការស៊ើបអង្កេតសំអាងនៃបទល្មើស និងបទល្មើសសម្អាតប្រាក់ នៅសាលប្រជុំ នាយកដ្ឋានជួញដូរមនុស្ស និងការពារអនីតិជន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងវគ្គបណ្តុះបណ្តាល មានការធ្វើបទបង្ហាញដោយ ឧត្ដមសេនីយ៍ទោ សុខ ងី អនុប្រធាននាយកដ្ឋានជួញដូរមនុស្ស និងការពារអនីតិជន និងជាសមាជិកក្រុមប្រតិបត្ដិការផ្ទាល់ ជូនដល់លោក-លោកស្រី អនុប្រធាននាយកដ្ឋាន នាយការិយាល័យ និង មន្ត្រី របស់នាយកដ្ឋានជួញដូរមនុស្ស និងការពារអនីតិជន ដែលជាសមាសភាពចូលរួម សរុបចំនួន ៣៥រូប។

វគ្គបណ្តុះបណ្តាលនេះ រៀបចំឡើងក្នុងគោលបំណងដើម្បីលើកកម្ពស់ប្រសិទ្ធភាពការងារស៊ើបអង្កេតលើសញ្ញាណនៃបទល្មើសសម្អាតប្រាក់ ដោយកំណត់អំពីវិធានការកំណត់ប្រភពនៃការស៊ើបអង្កេតបច្ចេកទេសនៃការស៊ើបអង្កេតក្នុងការវិភាគ និងវាយតម្លៃ អំពីផល នៃបទល្មើស និងសញ្ញាណនៃការសម្អាតប្រាក់ ដើម្បីឈានទៅដល់ការកសាងសំណុំរឿងបញ្ជូនទៅតុលាការ៕