សន្តិសុខសង្គម

ជនបរទេសម្នាក់ផ្ដួលម៉ូតូចោល ៣ ថ្ងៃ ទើបមកសុំសមត្ថកិច្ចវិញ

បានផុស

៣ years មុន

នៅ

ថ្ងៃចន្ទ ២១ មីនា ២០២២

ដោយ

deth leng

ជនបរទេសវ័យចំណាស់ម្នាក់កាលពីយប់ថ្ងៃទី ១៨ ខែមីនា បានផ្តួលម៉ូតូចោលអស់រយៈពេល ៣ ថ្ងៃទើបមកសុំម៉ូតូពីសមត្ថកិច្ចវិញ។

នគរបាលប្រចាំបេនឡានច្បារអំពៅនៅថ្ងៃទី ២១ ខែមីនា បានប្រគល់ម៉ូតូ ទៅឱ្យបុរសជនជាតិសាំងហ្កាពួ បន្ទាប់ពីត្រួតពិនិត្យទៅលើបណ្ណសំគាល់យានយន្ត ពិតជាម្ចាស់ម៉ូតូនេះពិតប្រាកដមែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានគ្រប់គ្រងបេនឡានច្បារអំពៅ លោក ឡោ សុផល បានប្រាប់ថា ម៉ូតូខាងលើនេះត្រូវបានសន្តិសុខបេនឡាន ប្រទះឃើញប្ដួលចោលកាលពីវេលាម៉ោង ១១ យប់ ថ្ងៃទី ១៨ ខែមីនា។ បន្ទាប់មកក្រុមសន្តិសុខ និងនគរបាលប្រចាំការនៅបេនឡានបានដឹកយកមករក្សាទុកនៅទីស្នាក់ការបេនដើម្បីរងចាំម្ចាស់មកទទួលយកទៅវិញលុះត្រាមានឯកសារកាន់កាប់ម៉ូតូឲ្យបានត្រឹមត្រូវទើបប្រគល់ជូនវិញ។

ចំណែកជនបរទេសជាម្ចាស់ម៉ូតូបានប្រាប់ថា កាលពីយប់ថ្ងៃទី១៨ខែមីនាគាត់បានបើកបរម៉ូតូឆ្លងកាត់មុខបេនឡានច្បារអំពៅហើយបានដួលដោយសារតែគាត់ស្រវឹងស្រារួចសម្រេចចិត្តទុកម៉ូតូនេះនៅកន្លែងកើតហេតុហើយជិះកង់បីទៅផ្ទះសំណាក់ទៅ។

លុះដល់ថ្ងៃទី២១ ខែមីនា នេះគាត់ក៏មករកម៉ូតូក៏ស្រាប់តែឃើញក្នុងទីស្នាក់ការបេនឡានក៏ធ្វើការស្នើសុំពីអ្នកគ្រប់គ្រងបេនឡានយកទៅប្រើប្រាស់វិញ។ ហើយក៏ជាសំណាងខ្លាំងណាស់ដែលក្រុមសន្តិសុខបេនឡាននាំយកម៉ូតូដែលផ្តួលចោលយកទៅរក្សាទុកឲ្យ កុំអីបាត់ទៅហើយ។

ម្ចាស់ម៉ូតូជាជនបរទេសបានសម្ដែងការអរគុណដល់អ្នកគ្រប់គ្រងបេនឡានដែលបានរក្សាទុកម៉ូតូរបស់គាត់ដោយគ្មានបាត់បង់អ្វីឡើយ៕

អត្ថបទ៖ នរា

Related Topics:ខណ្ឌច្បារអំពៅ