សន្តិសុខសង្គម

ជនជាតិចិនម្នាក់ ឡើងតភ្លើង រអិលជើងធ្លាក់ពីលើអគារ ស្លាប់ពេលបញ្ជូនទៅសង្គ្រោះ

បានផុស

៣ years មុន

នៅ

ថ្ងៃពុធ ៣០ មីនា ២០២២

ដោយ

បុរសជនជាតិចិនម្នាក់ ខណៈពេលកំពុងតចរន្តអគ្គិសនីនៅលើអគារបានរអិលធ្លាក់ចុះមកដី បណ្តាលឲ្យរបួសធ្ងន់ ហើយដាច់ខ្យល់ស្លាប់ពេលបញ្ជូនសង្គ្រោះបន្ទាន់នៅគ្លីនិកខៃខាង(ពេទ្យចិន)។ ករណីនេះបានកើតមានឡើងនៅរសៀលថ្ងៃទី ២៩ ខែមីនា ឆ្នាំ ២០២២ នៅសណ្ឋាគារអន្តរជាតិស៊ីកាង ក្រុមទី ១៧ ភូមិ ៤ សង្កាត់លេខ ៤ ខេត្តព្រះសីហនុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចនៃស្នងការនគរបាលខេត្តព្រះសីហនុ បានប្រាប់ថា សាកសពមានឈ្មោះ ZHAO JiNYU ភេទប្រុស ឆ្នាំកំណើតថ្ងៃទី២ ៣ ខែវិច្ឆិកា ឆ្នាំ ១៩៨៤ កាន់លិខិតឆ្លងដែន លេខ EJ0089391 ចុះថ្ងៃទី៣០ ខែធ្នូ ២០១៩ អស់សុពលភាព ថ្ងៃទី២៩ ខែធ្នូ ឆ្នាំ២០២៩។

សមត្ថកិច្ចបានឲ្យដឹងទៀតថា យោងតាមការសន្និដ្ឋានរបស់នគរបាលបច្ចេកទេសវិទ្យាសាស្ត្រ និងគ្រូពេទ្យជំនាញ បានឱ្យដឹងថា សាកសពស្លាប់ដោយសារធ្លាក់ពីទីខ្ពស់ បណ្តាលឱ្យរងរបួសធ្ងន់ក្រោយមកបានស្លាប់។ ក្រោយពិនិត្យបឋមរួចសាកសពបានរក្សាទុកនៅក្នុងសាលតម្កល់សពនៃមន្ទីរពេទ្យបង្អែកចំការចេកខេត្តព្រះសីហនុ រង់ចាំបន្តនីតិវិធីបន្ត៕