រថយន្តស្ទូចចុះចំណោតដាច់ហ្រ្វាំងបុករះរថយន្ត និងម៉ូតូស្លាប់មនុស្ស៤នាក់

ខេត្តព្រះសីហនុ៖ យ៉ាងហោចណាស់មនុស្សប្រុសស្រីចំនួន៤នាក់ បានស្លាប់យ៉ាងអណោចអធម នៅក្នុងថ្លុកឈាម ខណៈមនុស្សផ្សេងទៀត បានរងរបួសក្នុងហេតុការណ៍គ្រោះថ្នាក់ចរាចរណ៍រថយន្តប្រភេទស្ទូចបើកផ្លូវចុះចំណោតដាច់ហ្វ្រាំង បុករះរថយន្ត និងម៉ូតូរួចបន្តទៅបុកចូលអគារសំណង់ ដែលកំពុងសាងសង់នៅចំពីមុខផ្លូវបំបែកជា៣។

ហេតុការណ៍គ្រោះថ្នាក់ចរាចរណ៍ដ៏រន្ធត់នេះ កើតមានឡើងនៅម៉ោងប្រមាណ១១ព្រឹក ថ្ងៃទី៣ ខែមេសា ឆ្នាំ២០២២ ស្ថិតនៅផ្លូវចុះចំណោតពីឃ្លាំងលើមកភូមិសាស្ត្រផ្លូវអូរពីរ ក្នុងសង្កាត់លេខ៤ ក្រុង/ខេត្តព្រះសីហនុ។

នៅកន្លែងកើតហេតុគេឃើញជនរងគ្រោះដេកស្លាប់នៅលើដី និងខ្លះនៅគៀបជាប់ក្នុងរថយន្ត ។ សមត្ថកិច្ចបានឲ្យដឹងថា ក្នុងចំណោមអ្នកស្លាប់ទាំង៤នាក់នេះ មានមនុស្សស្រីម្នាក់ និងប្រុសចំនួន៣នាក់(ម្នាក់ជាជនបរទេស តាមព័ត៌មានបឋមសាកសពបុរសម្នាក់នោះ ជាជនជាតិកាណាដា)។

 សមត្ថកិច្ចបញ្ជាក់ថា មិនទាន់ស្គាល់អត្តសញ្ញាណសាសពជនរងគ្រោះនិងអ្នករងរបួសនៅឡើយទេ៕

អត្ថបទ៖ ស៊ុយ ចាន់ធា