សន្តិសុខសង្គម
យកលុយក្លែងក្លាយវេរតាមវីង សមត្ថកិច្ចឃាត់ខ្លួនរកឃើញជិត៥០០ដុល្លារក្លែងក្លាយទាំងអស់
ស្ត្រីម្នាក់ត្រូវបានម្ចាស់ទីតាំងវេលុយ ប្តឹងនគរបាលឱ្យឃាត់ខ្លួន បន្ទាប់ពីយកលុយដុល្លារក្លែងក្លាយទៅដាក់វេរកន្លែងខ្លួន ។
ការឃាត់ខ្លួនក្នុងករណីចែកចាយលុយក្លែងក្លាយនេះ បានកើតឡើងកាលពីវេលាម៉ោងជិត៧យប់ ថ្ងៃទី៣ ខែមេសា ឆ្នាំ២០២២ នៅចំណុចភូមិលេខ១ សង្កាត់ស្វាយរលំ ក្រុងតាខ្មៅ ខេត្តកណ្តាល ។
![](https://www.kampucheathmey.com/wp-content/uploads/2022/04/164904691489506-768x1024.jpg)
សមត្ថកិច្ចមូលដ្ឋានបានឱ្យដឹងថា ស្ត្រីដែលឃាត់ខ្លួនមានឈ្មោះ លឹម ស្រីពៅ ហៅ ណែត អាយុ ៣៩ឆ្នាំ មានទីលំនៅភូមិព្រែកតាព្រីង សង្កាត់សិត្បូ ក្រុងតាខ្មៅ ខេត្តកណ្តាល មុខរបរលក់ដូរ ។ ចំណែកជនរងគ្រោះឈ្មោះ ម៉ិច សីហា ភេទប្រុស អាយុ១៩ឆ្នាំ មានទីលំនៅភូមិលេខ១ សង្កាត់ស្វាយរលំ ក្រុងតាខ្មៅ ខេត្តកណ្តាល មុខរបរ អាជីវករ ។
សមត្ថកិច្ចបានឲ្យដឹងថា ក្រោយពីឃាត់ខ្លួន កម្លាំងបានរកឃើញវត្ថុតាងមួយចំនួនរួមមាន ម៉ូតូមួយគ្រឿងម៉ាកស្កូបពី, ប្រាក់ដុល្លារក្លែងក្លាយចំនួន៤៥០ដុល្លារ (ក្រដាស ៥០ ចំនួន ៩សន្លឹក), ទូរស័ព្ទដៃចំនួនមួយគ្រឿង, ប្រាក់រៀលចំនួន ១៥.៨០០រៀល, ប្រាក់ដុល្លារអាមេរិកចំនួន ៥០ដុល្លារ (ក្រដាស ៥០មួយសន្លឹក) និងកាបូបដៃពណ៌ឈាមជ្រូកចំនួន១ ។
![](https://www.kampucheathmey.com/wp-content/uploads/2022/04/164904691497226-1024x768.jpg)
សមត្ថកិច្ចបញ្ជាក់ថា នៅវេលាកើតហេតុស្ត្រីសង្ស័យបានជិះម៉ូតូតែម្នាក់ឯងមកឈប់មុខទីតាំងផ្ទះវេលុយខាងលើ ហើយយកលុយដុល្លារក្លែងក្លាយក្រដាស៥០ ឱ្យជនរងគ្រោះវេរឱ្យ ពេលជនរងគ្រោះមើលលុយឃើញថា លុយនោះជាលុយក្លែងក្លាយ ទើបរាយការណ៍ទៅសមត្ថកិច្ចប៉ុស្តិ៍ស្វាយរលំ ឱ្យចុះមកអន្តរាគមន៍ឃាត់ខ្លួន និងឆែកក្នុងកែបម៉ូតូឃើញប្រាក់ដុល្លារក្លែងក្លាយក្រដាស៥០ ចំនួន ៨សន្លឹកទៀត យកទៅសាកសួរនៅប៉ុស្តិ៍ រួចបញ្ជូនបន្តមកកាន់អធិការដ្ឋាននគរបាលក្រុងតាខ្មៅ ដើម្បីចាត់ការបន្តតាមនីតិវិធី ៕
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ