សន្តិសុខសង្គម

កម្មកររោងចក្រជាង ៦០០ នាក់ ផ្ទុះការតវ៉ាទាមទារប្រាក់អត្ថប្រយោជន៍ ខណៈរោងចក្រ គ្រោងបិទទ្វារ

បានផុស

២ years មុន

នៅ

ថ្ងៃសុក្រ ៨ មេសា ២០២២

ដោយ

ដោយសាររោងចក្រកាត់ដេររ៉ូស៊ីងគ្មានអ្នកបញ្ជាទិញ ហើយកាត់រំសាយកម្មករម្តងបន្តិចៗគ្រោងនឹងបិទទ្វារ កម្មករ កម្មការីនី ប្រមាណ ៦០០ នាក់ក្នុងចំណោមកម្មករទាំងអស់ប្រមាណជាង ១៣០០ នាក់ បានផ្ទុះការតវ៉ា ដើម្បីទាមទារប្រាក់អត្ថប្រយោជន៍ផ្សេងទៅតាមច្បាប់ការងារ។ កូដកម្ម នេះបានផ្ទុះឡើងកាលពីព្រឹកថ្ងៃទី ០៨ ខែមេសា ឆ្នាំ ២០២២ ស្ថិតនៅ ភូមិបាក់ទូក សង្កាត់ទួលសង្កែទី ១ ខណ្ឌឬស្សីកែវ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណា ក្រុមកម្មករ បានចាត់ទុកថា នេះជាលេសមួយរបស់រោងចក្រ ដែលបានរៀបចំ រំសាយកម្មករចោលដើម្បីគេចពីការទូទាត់ប្រាក់អតីតភាព របស់កម្មករតែប៉ុណ្ណោះ។ តាមតំណាងកម្មករ បានឲ្យដឹងថា ការធ្វើកូដកម្មនេះ ដើម្បីទាមទារឲ្យថៅកែក្រុមហ៊ុន ទូទាត់ប្រាក់អតីតភាពទៅតាមច្បាប់ការងារបន្ទាប់ពីរោងចក្របានរំសាយកម្មករ បិទទ្វារ។ តាមតំណាងកម្មករបានឲ្យដឹងទៀតថា រោងចក្រនេះបានប្រកាសរំសាយកម្មករជាបណ្តើរៗ កាលពីពេលថ្មីៗនេះហៅកម្មករ ទៅបញ្ចប់កិច្ចសន្យាការងារបើកប្រាក់ឲ្យដោយមិនបានគិតពីអតីតភាពការងារ ដែលពួកគាត់ខំធ្វើការដែលខ្លះអស់រយៈពេលប្រមាណជិត ១០ ឆ្នាំ មកហើយនោះ។

ដោយសារតែ មានការកៀបសង្កត់បង្ខំកម្មករ ឲ្យឈប់ពីការងារកម្មករ មួយចំនួន បានយល់ព្រម និងនៅសល់ប្រមាណជាង ៦០០ នាក់ មិនយល់ព្រមក៏បាននាំគ្នា ធ្វើកូដកម្ម ដើម្បីទាមទារអតីតភាពការងារតែម្តង។ តាមកម្មករ ក៏បានទទូចស្នើសុំឲ្យរោងចក្រ បើកប្រាក់ឲ្យកម្មករ ដោយចែកឲ្យដាច់រវាងប្រាក់ខែ និងប្រាក់អត្ថប្រយោជន៍ផ្សេងៗ ដែលបានមកពីការរំសាយកម្មកររោងចក្របិទទ្វារ។ នៅព្រឹកនោះ ដែលគេឃើញលោកឯកឃុន ដឿន អភិបាលខណ្ឌឬស្សីកែវ ក៏បានចុះទៅសម្របសម្រួល ណែនាំឲ្យបងប្អូន កម្មករ កម្មការីនី ចូលទៅខាងក្នុងរោងចក្រវិញ អាជ្ញាធរនឹងជួយជំរុញឲ្យមានការដោះស្រាយតាមច្បាប់ការងារ។ លោកអភិបាលក៏បានណែនាំឲ្យបងប្អូន រក្សាគម្លាតសុវត្ថិភាព ជៀសវាងមានការឆ្លងរាលដាល់ជំងឺកូវីដ១៩។

តាមប្រធានរដ្ឋបាលរោងចក្រ បានឲ្យដឹងថា ដោយសារតែ អត់មានអ្នកបញ្ជាទិញរោងចក្រអត់មានការធ្វើ បានរំសាយកម្មករបណ្តើរអស់ពាក់កណ្តាលមកហើយ ក្នុងចំណោមកម្មករទាំងអស់ប្រមាណជាង១៣០០នាក់៕

អត្ថបទ៖ ឌីរៀ